യുഎഇയിൽ കടുത്ത ചൂട് തുടരും

ദുബായ് : യുഎഇയിൽ വരും ദിവസങ്ങളിൽ ചൂടും അന്തരീക്ഷ ഈർപ്പവും (Humidity) വർദ്ധിക്കുമെന്ന് ദേശീയ കാലാവസ്ഥാ നിരീക്ഷണ കേന്ദ്രം (NCM). തീരദേശ മേഖലകളിൽ അന്തരീക്ഷ ഈർപ്പം 85 ശതമാനം വരെ ഉയരാൻ സാധ്യതയുള്ളതിനാൽ ചൊവ്വാഴ്ച പുലർച്ചെ രാജ്യത്തിന്റെ വിവിധ ഭാഗങ്ങളിൽ മൂടൽമഞ്ഞിന് (Fog) സാധ്യതയുണ്ട്. ഇന്ന് ദുബായിൽ 40 ഡിഗ്രി സെൽഷ്യസും അബുദാബിയിൽ 44 ഡിഗ്രി സെൽഷ്യസും താപനില രേഖപ്പെടുത്തുമ്പോൾ, ലിവയിലാണ് രാജ്യത്തെ ഏറ്റവും ഉയർന്ന ചൂട് (46°C) അനുഭവപ്പെടുക. പുലർച്ചെ വാഹനങ്ങൾ ഓടിക്കുന്നവർ ജാഗ്രത പാലിക്കണമെന്ന് അധികൃതർ നിർദ്ദേശിച്ചു. അതേസമയം, കടൽ ശാന്തമായിരിക്കുമെന്നതിനാൽ ബീച്ച് സന്ദർശകർക്ക് അനുകൂലമായ കാലാവസ്ഥയായിരിക്കും.