5
യുഎഇ : രാജ്യത്ത് ഡിജിറ്റൽ സംവിധാനങ്ങൾ ലക്ഷ്യമിട്ടുള്ള സൈബർ ആക്രമണങ്ങൾ വർധിക്കുന്നതായി കണക്കുകൾ. യുഎഇ സൈബർ സെക്യൂരിറ്റി കൗൺസിലിന്റെ റിപ്പോർട്ട് പ്രകാരം, കഴിഞ്ഞ മാസങ്ങളിൽ പ്രതിദിനം 800,000-ത്തിലധികം സൈബർ ആക്രമണങ്ങളാണ് രാജ്യത്ത് രജിസ്റ്റർ ചെയ്തിരിക്കുന്നത്. നിർണായക ദേശീയ അടിസ്ഥാന സൗകര്യങ്ങൾ സംരക്ഷിക്കുന്നതിനും സമൂഹത്തിൽ ഡിജിറ്റൽ സുരക്ഷിതത്വം ഉറപ്പാക്കുന്നതിനും കൂടുതൽ ശക്തമായ പ്രതിരോധ സംവിധാനങ്ങൾ അത്യാവശ്യമാണെന്ന് ഈ കണക്കുകൾ വ്യക്തമാക്കുന്നു.
രാജ്യത്തെ ഡിജിറ്റൽ പരിവർത്തനത്തിനൊപ്പം സുരക്ഷയും ഉറപ്പാക്കുന്ന തന്ത്രപരമായ സമീപനമാണ് യുഎഇ സ്വീകരിച്ചിരിക്കുന്നത്. ഡിജിറ്റൽ സേവനങ്ങൾ, പ്ലാറ്റ്‌ഫോമുകൾ, സ്മാർട്ട് സിസ്റ്റങ്ങൾ എന്നിവയുടെ വളർച്ചയ്ക്ക് അനുസൃതമായി ശക്തമായ ഒരു സുരക്ഷാ ആവരണവും രാജ്യം വികസിപ്പിച്ചെടുക്കുന്നുണ്ട്. സംഭവങ്ങൾക്ക് ശേഷം പ്രതികരിക്കുന്ന രീതിക്ക് പകരം മുൻകൂട്ടിയുള്ള പ്രതിരോധത്തിനും സജ്ജീകരണങ്ങൾക്കുമാണ് യുഎഇ ഇപ്പോൾ മുൻഗണന നൽകുന്നത്. ആർട്ടിഫിഷ്യൽ ഇന്റലിജൻസ് (AI), ക്ലൗഡ് കമ്പ്യൂട്ടിംഗ് എന്നിവയുടെ വളർച്ചയ്ക്കൊപ്പം സൈബർ സുരക്ഷയും രാജ്യത്ത് കൂടുതൽ ഊർ്ജ്ജിതമാക്കിയിട്ടുണ്ട്.