എപ്പോഴും എസിയിലിരിക്കുന്നവരാണോ നിങ്ങൾ? എങ്കിൽ ഈ രോഗങ്ങൾ കാത്തിരിക്കുന്നു

ദുബായ് : കടുത്ത വേനലിൽ എയർ കണ്ടീഷണറുകളുടെ (AC) അമിതവും തെറ്റായതുമായ ഉപയോഗം ആരോഗ്യപ്രശ്നങ്ങൾക്ക് കാരണമായേക്കാമെന്ന് യുഎഇയിലെ ഡോക്ടർമാർ. പുറത്തെ കടുത്ത ചൂടിൽ നിന്ന് പെട്ടെന്ന് എസി തണുപ്പിലേക്ക് മാറുന്നത് ശരീരത്തിന് ‘തെർമൽ ഷോക്ക്’ ഉണ്ടാക്കാം. കൃത്യമായി വൃത്തിയാക്കാത്ത എസികളിലെ പൊടിയും പൂപ്പലും ശ്വാസകോശ രോഗങ്ങൾക്കും അലർജിക്കും കാരണമാകും. വരണ്ട വായു മൂലം കൺവറളിച്ച, തലവേദന, തൊണ്ട വരൾച്ച എന്നിവയും ഉണ്ടാകാം. എസി താപനില എപ്പോഴും 23°C മുതൽ 25°C വരെ ക്രമീകരിക്കണമെന്നും, എസി ഫിൽട്ടറുകൾ കൃത്യമായി വൃത്തിയാക്കണമെന്നും ധാരാളം വെള്ളം കുടിക്കണമെന്നും ഡോക്ടർമാർ നിർദ്ദേശിക്കുന്നു.