ബെർലിൻ : ഫെഡറൽ റിപ്പബ്ലിക് ഓഫ് ജർമനിയിൽ ഔദ്യോഗിക സന്ദർശനം നടത്തി യുഎഇ പ്രസിഡന്റ് ഹിസ് ഹൈനസ് ശൈഖ് മുഹമ്മദ് ബിൻ സായിദ് അൽ നഹ്യാൻ. യുഎഇ പ്രസിഡന്റ് ജർമനിയിൽ നടത്തുന്ന ആദ്യ ഔദ്യോഗിക സ്റ്റേറ്റ് സന്ദർശനമാണിത്. ഇരുരാജ്യങ്ങളും തമ്മിലുള്ള ഉഭയകക്ഷി ബന്ധത്തിലും തന്ത്രപരമായ സഹകരണത്തിലും ഇതൊരു ചരിത്രപരമായ നാഴികക്കല്ലായാണ് വിലയിരുത്തപ്പെടുന്നത്.
ബെർലിനിൽ എത്തിയ യുഎഇ പ്രസിഡന്റിന് ഊഷ്മളവും ഔദ്യോഗികവുമായ സ്വീകരണമാണ് ജർമൻ നേതൃത്വം നൽകിയത്. അന്താരാഷ്ട്ര തലത്തിലുള്ള യുഎഇയുടെ സ്വാധീനവും ശൈഖ് മുഹമ്മദ് ബിൻ സായിദിന്റെ ആഗോള നേതൃത്വ പാടവവുമാണ് ഈ സന്ദർശനം അടയാളപ്പെടുത്തുന്നത്. അന്താരാഷ്ട്ര സഹകരണം ശക്തിപ്പെടുത്തുന്നതിനും സമാധാനവും സുസ്ഥിര വികസനവും ഉറപ്പാക്കുന്നതിനും മുൻകാലങ്ങളിൽ രാജ്യ സ്ഥാപകൻ ശൈഖ് സായിദ് ബിൻ സുൽത്താൻ അൽ നഹ്യാൻ രൂപകൽപ്പന ചെയ്ത വിദേശനയത്തിന്റെ തുടർച്ചയായാണ് ഈ സുപ്രധാന സന്ദർശനം വിലയിരുത്തപ്പെടുന്നത്.
13