11
ദുബായ് : ദുബായ് എൻവയോൺമെന്റ് ആൻഡ് ക്ലൈമറ്റ് ചേഞ്ച് അതോറിറ്റിയിലേക്ക് പുതിയ സിഇഒമാരെ നിയമിച്ചു കൊണ്ട് യുഎഇ ഉപപ്രധാനമന്ത്രിയും പ്രതിരോധമന്ത്രിയും ദുബായ് കിരീടാവകാശിയും എക്സിക്യൂട്ടീവ് കൗൺസിൽ ചെയർമാനുമായ ശൈഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം ഉത്തരവിറക്കി. ദുബായ് മുൻസിപ്പാലിറ്റിയിൽ നിന്നുള്ള ആദിൽ അബ്ദുള്ള മുഹമ്മദ് അൽ കരാനിയെ ബയോഡൈവേഴ്സിറ്റി സെക്ടർ സിഇഒ ആയി നിയമിച്ചു (ഉത്തരവ് നമ്പർ 55).
കൂടാതെ ദുബായ് പോലീസിൽ സേവനമനുഷ്ഠിച്ചിരുന്ന അബ്ദുള്ള യൂസഫ് അബ്ദുള്ള അൽ മർസൂഖിയെ കോർപ്പറേറ്റ് സപ്പോർട്ട് സെക്ടർ സിഇഒ ആയും നിയമിച്ചിട്ടുണ്ട് (ഉത്തരവ് നമ്പർ 56). നിയമനങ്ങൾ ഉടനടി പ്രാബല്യത്തിൽ വരുമെന്നും ഔദ്യോഗിക ഗസറ്റിൽ പ്രസിദ്ധീകരിക്കുമെന്നും ഉത്തരവിൽ വ്യക്തമാക്കുന്നു.