ദുബായ് : സെർബിയയിലെ ബെൽഗ്രേഡിൽ സംഘടിപ്പിച്ച രാഷ്ട്രീയ-സാമ്പത്തിക വനിതാ ശാക്തീകരണ അന്താരാഷ്ട്ര ഉച്ചകോടിയായ ‘റൈസ് 2026’ (RISE 2026) സമ്മേളനത്തിൽ യുഎഇ ലിംഗസമത്വ കൗൺസിൽ (UAE Gender Balance Council) പങ്കെടുത്തു. ‘വരുம்தലമുറയ്ക്കായി സഖ്യങ്ങൾ രൂപീകരിക്കൽ’ എന്ന പ്രമേയത്തിൽ ഒക്ടോബർ 7-ന് നടന്ന സമ്മേളനത്തിൽ യുഎഇ ലിംഗസമത്വ കൗൺസിൽ വൈസ് പ്രസിഡന്റ് മോന ഘാനം അൽ മറിയുടെ നേതൃത്വത്തിലുള്ള ഉന്നതതല സംഘമാണ് പങ്കെടുത്തത്. വനിതാ ശാക്തീകരണത്തിലും നേതൃപാടവത്തിലും യുഎഇ കൈവരിച്ച വിപ്ലവകരമായ പുരോഗതിയും നിയമനിർമ്മാണ നയങ്ങളും ആഗോള തലത്തിൽ മോന അൽ മറി വ്യക്തമാക്കി.
സ്ത്രീകളുടെ കഴിവുകളിൽ നിക്ഷേപിക്കുന്നത് കുടുംബത്തിന്റെയും സമൂഹത്തിന്റെയും ഭാവിയിലേക്കുള്ള നിക്ഷേപമാണെന്ന് യുഎഇ ലിംഗസമത്വ കൗൺസിൽ പ്രസിഡന്റ് ഷെയ്ഖ മനാൽ ബിൻത് മുഹമ്മദ് ബിൻ റാഷിദ് അൽ മക്തൂം അഭിപ്രായപ്പെട്ടു. യുഎഇ ജൻഡർ ബാലൻസ് ഇൻഡക്സ്, സ്വകാര്യ മേഖലയിലെ കൗൺസിലിന്റെ ലക്ഷ്യങ്ങൾ, ഉപപ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് അബ്ദുള്ള ബിൻ സായിദ് അൽ നഹ്യാന് ലഭിച്ച അംഗീകാരങ്ങൾ എന്നിവയും ഉച്ചകോടിയിൽ ചർച്ചയായി. സൈപ്രസ്, ഈജിപ്ത്, നൈജീരിയ, ലിബിയ, സെർബിയ തുടങ്ങിയ രാജ്യങ്ങളിലെ മന്ത്രിമാരുമായി യുഎഇ പ്രതിനിധി സംഘം ഉഭയകക്ഷി ചർച്ചകൾ നടത്തി.
3