വിദ്യാർത്ഥികൾക്കായി ‘സ്കിൽസ് ഫോർ ലൈഫ്’ പദ്ധതിയുമായി ദുബായ്

ദുബായ് : ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമിന്റെ നിർദ്ദേശപ്രകാരം വിദ്യാർത്ഥികൾക്കായി ‘സ്കിൽസ് ഫോർ ലൈഫ്’ പദ്ധതി പ്രഖ്യാപിച്ച് കെഎച്ച്ഡിഎ (KHDA). കുട്ടിക്കാലം മുതൽ പഠിതാക്കളുടെ പ്രായോഗികവും സാമ്പത്തികവും സാമൂഹികവുമായ കഴിവുകൾ വികസിപ്പിക്കാൻ ലക്ഷ്യമിട്ടുള്ളതാണ് ഈ പദ്ധതി. ദുബായിലെ ‘എഡ്യൂക്കേഷൻ 33’ തന്ത്രത്തിന്റെ ഭാഗമായി 2026-27 അധ്യയന വർഷം മുതൽ ഇത് നടപ്പിലാക്കും.
മാറുന്ന ലോകത്തിനനുസരിച്ച് കുട്ടികളെ ഭാവിയിലേക്ക് സജ്ജരാക്കുകയാണ് ഇതിന്റെ ലക്ഷ്യം. ആരോഗ്യം, സാമ്പത്തിക സാക്ഷരത, ഡിജിറ്റൽ കഴിവുകൾ, മാനസിക പ്രതിരോധം എന്നിവ പാഠ്യപദ്ധതികളുടെ ഭാഗമാക്കും. മികച്ച കരിയർ തിരഞ്ഞെടുക്കാനും ശരിയായ തീരുമാനങ്ങൾ എടുക്കാനും ഇത് വിദ്യാർത്ഥികളെ സഹായിക്കും.