Raneesha Razak

ദുബായ് : കഠിനമായ വ്യായാമമുറകളോ ഭാരം ഉയർത്തലോ മാത്രമല്ല യഥാർത്ഥ കരുത്തെന്ന് തെളിയിക്കുകയാണ് ഇമിറാത്തി ഫിറ്റ്‌നസ് പരിശീലകരായ ഫാത്തിമ അൽ മൻസൂരിയും മറിയം അൽ മെഹീരിയും. ‘ഫിറ്റ് എൻ ഗ്ലാം’ (FitnGlam) ഫിറ്റ്‌നസ് സെന്ററിലെ പരിശീലകരായ ഇരുവരും സ്ത്രീകളുടെ ശാരീരിക-മാനസിക ആരോഗ്യത്തിന് പുതിയ നിർവ്വചന നൽകി യുഎഇയിലെ കായിക രംഗത്ത് വൻ മാറ്റങ്ങൾക്ക് നേതൃത്വം നൽകുകയാണ്. മാതൃത്വവും ജീവിതത്തിലെ അനുഭവങ്ങളുമാണ് കരുത്തിനെ കുറിച്ചുള്ള തന്റെ കാഴ്ചപ്പാട് മാറ്റിയതെന്ന് മൂന്ന് കുട്ടികളുടെ അമ്മ കൂടിയായ ഫാത്തിമ വ്യക്തമാക്കുന്നു.
ശരീരഭാരം കുറയ്ക്കുന്നതിലല്ല, മറിച്ച് ഊർജ്ജസ്വലതയും ആത്മവിശ്വാസവും കൈവരിക്കുന്നതിലാണ് ഫിറ്റ്‌നസിന്റെ യഥാർത്ഥ വിജയമെന്ന് ഇരുവരും ചൂണ്ടിക്കാട്ടുന്നു. തുടക്കക്കാർക്ക് പ്രയാസകരമെന്ന് തോന്നുന്ന ക്രോസ്ഫിറ്റ് (CrossFit), ഹൈറോക്‌സ് (HYROX) തുടങ്ങിയ പരിശീലന രീതികളെ ഓരോരുത്തരുടെയും ശരീര പ്രകൃതിക്ക് അനുയോജ്യമായ രീതിയിൽ ഇവർ മാറ്റി നൽകുന്നു. “കരുത്തിന് പ്രായപരിധിയില്ല, നിങ്ങളുടെ ഏറ്റവും ശക്തമായ രൂപം നിങ്ങൾ ഇതുവരെ കണ്ടുമുട്ടാത്ത നിങ്ങളുടെ ഭാവി രൂപമായിരിക്കാം” എന്ന് ഇമിറാത്തി വനിതകളെ ഓർമ്മിപ്പിച്ചുകൊണ്ട്, ഈ മേഖലയിലേക്ക് കൂടുതൽ സ്വദേശി വനിതകൾ കടന്നുവരണമെന്ന് ഫാത്തിമ അൽ മൻസൂരി ആഹ്വാനം ചെയ്യുന്നു.