22
അൽ അരിഷ് : ഒപ്പറേഷൻ ‘ചിവൽറസ് നൈറ്റ് 3’ പദ്ധതിയുടെ ഭാഗമായി ഈജിപ്തിലെ അൽ അരിഷിൽ പ്രവർത്തിക്കുന്ന യുഎഇ ഫ്ലോട്ടിങ് ഹോസ്പിറ്റലിൽ ഗാസയിൽ നിന്നുള്ള രോഗികൾക്കായി നാല് സങ്കീർണ്ണ ശസ്ത്രക്രിയകൾ വിജയകരമായി പൂർത്തിയാക്കി. പലസ്തീൻ ജനതയ്ക്ക് അടിയന്തിര ചികിത്സയും മാനുഷിക സഹായവും എത്തിക്കുന്നതിനുള്ള യുഎഇയുടെ ശ്രമങ്ങളുടെ ഭാഗമായാണ് ഈ നടപടി.
തുടയെല്ല്, കാൽ, ഇടുപ്പ് എന്നിവയിലുണ്ടായ സങ്കീർണ്ണമായ ഒടിവുകൾക്കുള്ള ചികിത്സ, ബോൺ ഗ്രാഫ്റ്റിങ് ഉപയോഗിച്ചുള്ള അസ്ഥി പുനർനിർമ്മാണം എന്നിവയാണ് ശസ്ത്രക്രിയകളിൽ ഉൾപ്പെടുന്നത്. മെഡിക്കൽ ടീമിന്റെ നേതൃത്വത്തിൽ നടന്ന ശസ്ത്രക്രിയകൾ വിജയകരമായിരുന്നുവെന്നും രോഗികൾ നിലവിൽ അതിവേഗ സുഖം പ്രാപിക്കുന്നതിനായി ആശുപത്രിയിൽ തുടർചികിത്സയിലാണെന്നും അധികൃതർ അറിയിച്ചു.