അബുദാബി : യുഎഇയിൽ ഇ-സ്കൂട്ടർ, ഇ-ബൈക്ക് അപകടങ്ങൾ വർദ്ധിച്ചുവരുന്ന സാഹചര്യത്തിൽ, യാത്രക്കാർ നിർബന്ധമായും പാലിക്കേണ്ട 9 സുരക്ഷാ നിർദ്ദേശങ്ങൾ ഓർമ്മിപ്പിച്ച് അബുദാബി പൊലീസ് രംഗത്ത്. സുരക്ഷിതമല്ലാത്ത ഡ്രൈവിംഗ് ജീവന് തന്നെ ഭീഷണിയാണെന്ന് മുന്നറിയിപ്പ് നൽകുന്ന വീഡിയോയും പൊലീസ് പങ്കുവെച്ചിട്ടുണ്ട്.
ഹെൽമറ്റ്, എൽബോ ഗാർഡ്, ക്നീ പാഡ് എന്നിവ ധരിക്കുക, അനുവദിക്കപ്പെട്ട സൈക്കിൾ ട്രാക്കുകളിലൂടെ മാത്രം വൺവേ ദിശയിൽ സഞ്ചരിക്കുക, അമിതവേഗത ഒഴിവാക്കുക എന്നിവ പ്രധാന നിർദ്ദേശങ്ങളാണ്. കൂടാതെ മറ്റുള്ളവരെ സ്കൂട്ടറിൽ കയറ്റാതിരിക്കാനും, യാത്രയ്ക്കിടയിൽ മൊബൈൽ ഫോണോ ഇയർഫോണോ ഉപയോഗിക്കാതിരിക്കാനും ശ്രദ്ധിക്കണം. വാഹനം ഉപയോഗിക്കുന്നതിന് മുൻപ് ബ്രേക്കും ലൈറ്റുകളും കൃത്യമാണെന്ന് ഉറപ്പുവരുത്തണമെന്നും അബുദാബി പൊലീസ് ആവശ്യപ്പെട്ടു. നിയമലംഘനം നടത്തുന്നവരിൽ നിന്നും കനത്ത പിഴ ഈടാക്കുമെന്നും അധികൃതർ അറിയിച്ചു.
3