3
ന്യൂയോർക്ക് : അമേരിക്കൻ മേജർ ലീഗ് സോക്കർ (MLS) ക്ലബ്ബായ ന്യൂയോർക്ക് സിറ്റി എഫ്സിയുടെ (NYCFC) പുതിയ ഹോം ഗ്രൗണ്ടായ ‘എത്തിഹാദ് പാർക്ക്’ സ്റ്റേഡിയം 2027 ജൂലൈ 17-ന് ഔദ്യോഗികമായി തുറക്കും. ക്വീൻസിലെ വില്ലറ്റ്സ് പോയിന്റിൽ നിർമ്മിക്കുന്ന 25,000 കാണികളെ ഉൾക്കൊള്ളാവുന്ന ഈ അത്യാധുനിക സ്റ്റേഡിയം ക്ലബ്ബിന്റെ ചരിത്രത്തിലെ ആദ്യത്തെ സ്വന്തം സോക്കർ സ്റ്റേഡിയമാണ്. അബുദാബി ആസ്ഥാനമായുള്ള പ്രമുഖ വിമാനക്കമ്പനിയായ എത്തിഹാദ് എയർവേയ്സ് ആണ് സ്റ്റേഡിയത്തിന്റെ നാമകരണ അവകാശം സ്വന്തമാക്കിയത്. മുൻപ് പല സ്റ്റേഡിയങ്ങളിലായി ഹോം മത്സരങ്ങൾ കളിച്ചിരുന്ന ക്ലബ്ബിന് ഈ പുതിയ സ്റ്റേഡിയം വലിയൊരു നേട്ടമാകും. ഫുട്ബോൾ മത്സരങ്ങൾക്ക് പുറമെ അന്താരാഷ്ട്ര കലാപരിപാടികൾക്കും കച്ചേരികൾക്കും എത്തിഹാദ് പാർക്ക് വേദിയാകും.