യുഎഇ : ഈ വർഷത്തെ അറഫാ ദിനവും ബലിപെരുന്നാൾ അവധിയും അധികൃതർ ഔദ്യോഗികമായി പ്രഖ്യാപിച്ചു. മാസപ്പിറവി ദൃശ്യമായതിന്റെ അടിസ്ഥാനത്തിൽ അറഫാ ദിനം മെയ് 26 ചൊവ്വാഴ്ചയായിരിക്കുമെന്ന് യുഎഇ അധികൃതർ സ്ഥിരീകരിച്ചു. അറഫാ ദിനത്തിലെ ഒരു ദിവസത്തെ അവധിയും തൊട്ടുപിന്നാലെ വരുന്ന മൂന്ന് ദിവസത്തെ പെരുന്നാൾ അവധിയും ഉൾപ്പെടെ തുടർച്ചയായ നാല് ദിവസത്തെ പൊതുഅവധിയാണ് രാജ്യത്തെ താമസക്കാർക്ക് ലഭിക്കുക. ബാക്ക്-ടു-ബാക്ക് ആയി എത്തുന്ന ഈ ദീർഘിച്ച അവധിക്കാലം പ്രവാസികൾക്കും സ്വദേശികൾക്കും ഒരേപോലെ യാത്രകൾക്കും ആഘോഷങ്ങൾക്കും കുടുംബത്തോടൊപ്പം സമയം ചിലവഴിക്കാനുമുള്ള മികച്ച അവസരമായി മാറും. പെരുന്നാൾ പ്രമാണിച്ചുള്ള പൊതുഅവധി പ്രഖ്യാപനം വന്നതോടെ രാജ്യം മുഴുവൻ ഇപ്പോൾ വലിയ രീതിയിലുള്ള ആഘോഷങ്ങളിലേക്ക് കടന്നിരിക്കുകയാണ്.
