19
ദുബായ് : ദുബായ്-ഷാർജ റോഡിൽ ഉണ്ടായ വാഹനാപകടത്തെ തുടർന്ന് എമിറേറ്റ്സ് റോഡിൽ കടുത്ത ഗതാഗതക്കുരുക്ക് അനുഭവപ്പെടുന്നതായി ദുബായ് പോലീസ് അറിയിച്ചു. ഷാർജയിൽ നിന്നും അൽ ഐൻ എക്സിറ്റ് ലക്ഷ്യമാക്കി പോവുകയായിരുന്ന വാഹനങ്ങളാണ് അപകടത്തിൽപ്പെട്ടത്. അപകടത്തെ തുടർന്ന് ഈ റൂട്ടിൽ വലിയ രീതിയിൽ വാഹനങ്ങളുടെ തിരക്ക് അനുഭവപ്പെടുന്നുണ്ട്. ഇതുവഴി കടന്നുപോകുന്ന വാഹനമോടിക്കുന്നവർ അതീവ ജാഗ്രത പാലിക്കണമെന്നും വേഗത കുറച്ച് ശ്രദ്ധയോടെ വണ്ടി ഓടിക്കണമെന്നും പോലീസ് സാമൂഹിക മാധ്യമങ്ങളിലൂടെ പുറത്തുവിട്ട ട്രാഫിക് അലേർട്ടിൽ ആവശ്യപ്പെട്ടു. റോഡിലെ തടസ്സങ്ങൾ നീക്കി ഗതാഗതം പൂർണ്ണസ്ഥിതിയിലാകുന്നത് വരെ സുരക്ഷ മുൻനിർത്തി അധികൃതർ നൽകുന്ന നിർദ്ദേശങ്ങൾ കർശനമായി പാലിക്കാൻ ഡ്രൈവർമാർ തയ്യാറാകണമെന്നും ദുബായ് പോലീസ് കൂട്ടിച്ചേർത്തു.