ദുബായിൽ ബലിപെരുന്നാൾ പ്രമാണിച്ച് സൗജന്യ പാർക്കിംഗ് പ്രഖ്യാപിച്ചു

ദുബൈ : ബലിപെരുന്നാൾ പ്രമാണിച്ച് ദുബായിലെ പൊതു പാർക്കിംഗ് കേന്ദ്രങ്ങളിൽ സൗജന്യ പാർക്കിംഗ് അനുവദിച്ച് പൊതു പാർക്കിംഗ് ഓപ്പറേറ്ററായ പാർക്കിൻ (Parkin) ഉത്തരവിട്ടു. മെയ് 25 തിങ്കളാഴ്ച മുതൽ മെയ് 29 വെള്ളിയാഴ്ച വരെയാണ് ദുബായിൽ സൗജന്യ പാർക്കിംഗ് ആനുകൂല്യം ലഭിക്കുക. ദുബായിലെ എല്ലാ പൊതു പാർക്കിംഗ് മേഖലകൾക്കും ഈ ഇളവ് ബാധകമായിരിക്കും. എന്നാൽ മൾട്ടി സ്റ്റോറി പാർക്കിംഗ് കേന്ദ്രങ്ങൾക്ക് (ബഹുനില പാർക്കിംഗ് സമുച്ചയങ്ങൾ) ഈ ദിവസങ്ങളിൽ പതിവുപോലെ ഫീസ് നൽകേണ്ടി വരും. പെരുന്നാൾ അവധിക്ക് ശേഷം മെയ് 30 ശനിയാഴ്ച മുതൽ പാർക്കിംഗ് ഫീസ് പുനഃസ്ഥാപിക്കും. പെരുന്നാൾ കാലത്തെ തിരക്ക് നിയന്ത്രിക്കാനും ജനങ്ങളുടെ യാത്രകൾ സുഗമമാക്കാനും ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി (RTA) ഏർപ്പെടുത്തിയ വിപുലമായ ഗതാഗത ക്രമീകരണങ്ങളുടെ ഭാഗമായാണ് പാർക്കിൻ ഈ പ്രഖ്യാപനം നടത്തിയിരിക്കുന്നത്.