യുഎഇയിൽ പുതിയ പദ്ധതിയുമായി സായിദ് എജ്യുക്കേഷൻ ഫൗണ്ടേഷൻ

ദുബായ് : 2035-ഓടെ ലക്ഷക്കണക്കിന് യുവ നേതാക്കളെ വളർത്തിയെടുക്കുക എന്ന ലക്ഷ്യവുമായി സായിദ് എജ്യുക്കേഷൻ ഫൗണ്ടേഷൻ രംഗത്ത്. ഇതിന്റെ ഭാഗമായി വിവിധ സർവ്വകലാശാലകളുമായും മറ്റ് സംഘടനകളുമായും ഫൗണ്ടേഷൻ 14 കരാറുകളിൽ ഒപ്പുവെച്ചു.

സായിദ് നാഷണൽ മ്യൂസിയത്തിൽ നടന്ന ‘പാർട്ട്ണർഷിപ്സ് ഫോർ ദി ഫ്യൂച്ചർ’ (Partnerships for the Future) പരിപാടിയിലാണ് സുപ്രധാന കരാറുകൾ പ്രഖ്യാപിച്ചത്. യുഎഇയിലെ യുവജനങ്ങൾക്കായി സ്കോളർഷിപ്പുകൾ, ലീഡർഷിപ്പ് പരിശീലനങ്ങൾ, ഗവേഷണ അവസരങ്ങൾ എന്നിവ വ്യാപിപ്പിക്കുകയാണ് പദ്ധതിയുടെ ലക്ഷ്യം. ഉന്നത വിദ്യാഭ്യാസ-ശാസ്ത്ര ഗവേഷണ മന്ത്രാലയം, യുഎഇയിലെ 12 സർവ്വകലാശാലകൾ, ഗ്രേറ്റ് അറബ് മൈൻഡ്സ് സംരംഭം എന്നിവയുമായി സഹകരിച്ചാണ് ഈ പുതിയ പങ്കാളിത്തം നടപ്പിലാക്കുന്നത്.