6
ദുബായ് : ചന്ദ്രന്റെ ഉപരിതലത്തിന് 100 മീറ്റർ താഴേക്ക് പരിശോധന നടത്താൻ സാധിക്കുന്ന റഡാർ സംവിധാനം ഘടിപ്പിച്ച് യു.എഇയുടെ ബഹിരാകാശ ദൗത്യം പുതിയ നാഴികക്കല്ല് പിന്നിട്ടു. റാഷിദ് റോവർ 2-ൽ ഗ്രൗണ്ട് പെനിട്രേറ്റിംഗ് റഡാർ ട്രാൻസ്മിറ്റർ (RTx) വിജയകരമായി സംയോജിപ്പിച്ചതായി ദുബായിലെ മുഹമ്മദ് ബിൻ റാഷിദ് സ്പേസ് സെന്റർ (MBRSC) ചൊവ്വാഴ്ച അറിയിച്ചു.
ചന്ദ്രന്റെ ദൂരെയുള്ള ഭാഗങ്ങളിലേക്കുള്ള (far side of the Moon) എമിറേറ്റ്സ് ലൂണാർ മിഷന്റെ യാത്രയെ കൂടുതൽ അടുപ്പിക്കുന്നതാണ് ഈ നിർണായക ഘട്ടം. ചന്ദ്രന്റെ ഉപരിതലത്തിന് താഴെ എന്താണുള്ളതെന്ന് ശാസ്ത്രജ്ഞർക്ക് വ്യക്തമായി മനസ്സിലാക്കാൻ സഹായിക്കുന്നതാണ് പുതിയ പേലോഡ്. റേഡിയോ സിഗ്നലുകൾ ഉപയോഗിച്ച് ചന്ദ്രന്റെ ഉപരിതലത്തിന് 100 മീറ്റർ താഴെവരെ പരിശോധിക്കാൻ ഇതിലൂടെ സാധിക്കും.