5
ദുബായ് : പ്രധാന റോഡുകളിൽ വാഹനയാത്രക്കാരെ തടഞ്ഞുനിർത്തി യാത്രാക്കൂലിക്കായി പണം ആവശ്യപ്പെടുന്നതായി ലഭിച്ച വിവരത്തിന്റെ അടിസ്ഥാനത്തിൽ 22 അംഗ യാചക സംഘത്തെ ദുബായ് പൊലീസ് അറസ്റ്റ് ചെയ്തു.
ദുബായ് പൊലീസ് ആപ്പിലെ ‘പോലീസ് ഐ’ (Police Eye) സേവനം വഴി ലഭിച്ച വിവരമാണ് പ്രതികളെ കുടുക്കാൻ സഹായിച്ചത്. റോഡുകളിൽ വാഹനയാത്രക്കാരെ സമീപിക്കുകയും, തങ്ങൾ കുടുങ്ങിപ്പോയതാണെന്നും യാത്രയ്ക്കുള്ള സാമ്പത്തിക സഹായം വേണമെന്നും ആവശ്യപ്പെട്ട് പണം തട്ടുന്ന സംഘത്തിന്റെ വിവരങ്ങളാണ് ഇത്തരത്തിൽ പുറത്തുവന്നത്. തുടർന്ന് നടത്തിയ അന്വേഷണത്തിലാണ് സംഘത്തിലെ മുഴുവൻ അംഗങ്ങളെയും പൊലീസ് പിടികൂടിയത്.