യുഎഇയിൽ പുതിയ ആരോഗ്യ-സൗന്ദര്യ വിപ്ലവവുമായി നോവോമെഡ്

ദുബൈ : യുഎഇയിൽ ചർമ്മസംരക്ഷണവും (Aesthetics) ശരീരത്തിന്റെ ആരോഗ്യവും (Wellness) കോർത്തിണക്കിക്കൊണ്ടുള്ള പുതിയ ചികിത്സാരീതിയുമായി രാജ്യത്തെ ഏറ്റവും വലിയ ആന്റി-ഏജിംഗ് ഗ്രൂപ്പായ ‘നോവോമെഡ്’ (Novomed) രംഗത്ത്. കേവലം ബാഹ്യസൗന്ദര്യം കൂട്ടുന്നതിനപ്പുറം, ശരീരത്തിലെ ഹോർമോൺ വ്യതിയാനങ്ങൾ, പോഷകാഹാരക്കുറവ്, ഉറക്കമില്ലായ്മ എന്നിവ കണ്ടെത്തി ചികിത്സിക്കുന്ന സമഗ്രമായ രീതിയാണിത്.
ഇതിന്റെ ഭാഗമായി ചർമ്മത്തിലെ ചുളിവുകൾ മാറ്റാനും സ്വാഭാവിക തിളക്കം നൽകാനുമുള്ള ‘സ്കിൻ ബൂസ്റ്ററുകൾ’, ‘പോളിന്യൂക്ലിയോടൈഡുകൾ’ (Salmon DNA) തുടങ്ങിയ കോശതലത്തിലുള്ള (Cellular) ആധുനിക ചികിത്സകൾക്ക് ഇപ്പോൾ യുഎഇയിൽ ആവശ്യക്കാർ ഏറെയാണ്. കൂടാതെ, വ്യക്തികളുടെ യഥാർത്ഥ പ്രായത്തേക്കാൾ ശരീരത്തിന്റെ ജൈവിക പ്രായം (Biological Age) നിർണ്ണയിക്കുന്ന ലോഞ്ചെവിറ്റി ചെക്കപ്പുകൾ, പ്രമേഹ-ശരീരഭാര നിയന്ത്രണങ്ങൾ (GLP-1), സ്ത്രീകളിലെ ഹോർമോൺ സംബന്ധമായ പിസിഒഎസ് (PCOS) ചികിത്സകൾ എന്നിവയും നോവോമെഡ് വിദ്ഗ്ദ്ധ മേൽനോട്ടത്തിൽ നൽകുന്നുണ്ട്.