എമിറാത്തി വനിതകളുടെ പഴയകാല അതിജീവനത്തിന് ആദരം

റാസൽഖൈമ: ആധുനിക ജോലിസ്ഥലങ്ങളിലും ഔദ്യോഗിക പദവികളിലും തിളങ്ങുന്നതിന് മുൻപും എമിറാത്തി സ്ത്രീകൾ സമൂഹത്തിന് നൽകിയ പിന്തുണ ചെറുതല്ലെന്ന് മുതിർന്ന പൗരന്മാരായ എമിറാത്തി വനിതകൾ ഓർമ്മിക്കുന്നു. പുരുഷന്മാർ മുത്തുമുകളിലേക്കും ജോലിക്കുമായി ദൂരസ്ഥലങ്ങളിലേക്കും പോകുമ്പോൾ വീട്ടുഭാരവും കൃഷിയിടങ്ങളും കന്നുകാലികളെ നോക്കിവളർത്തുന്നതും അടക്കമുള്ള സകല കാര്യങ്ങളും സമർത്ഥമായി കൈകാര്യം ചെയ്തിരുന്നത് സ്ത്രീകളായിരുന്നു. റാസൽഖൈമയിൽ അൽ ഖാസിമി ഫൗണ്ടേഷന്റെയും അനാന്താര മിന റാസൽഖൈമ റിസോർട്ടിന്റെയും ആഭിമുഖ്യത്തിൽ നടന്ന ‘ദ മാർക്ക് ഷെ മേക്സ്’ (The Mark She Makes) എന്ന എമിറാത്തി വനിതാദിനാഘോഷ ചടങ്ങിലാണ് പഴയകാല ചരിത്രങ്ങൾ ഓർമ്മിക്കപ്പെട്ടത്.