ദുബായ് : ദുബായ് കൾച്ചറും അന്താരാഷ്ട്ര ഫോട്ടോഗ്രാഫി പുരസ്കാര സമിതിയായ ഹിപയും (HIPA) സംയുക്തമായി സംഘടിപ്പിച്ച ഫ്ലേം ട്രീ സീസൺ ഫോട്ടോഗ്രാഫി മത്സരത്തിൽ മലയാളി ഫോട്ടോഗ്രാഫർമാർക്ക് മികച്ച നേട്ടം. ആഗോളതലത്തിൽ ശ്രദ്ധ നേടിയ മത്സരത്തിൽ ഒന്നാം സ്ഥാനവും മൂന്നാം സ്ഥാനവും മലയാളികൾ സ്വന്തമാക്കി.
ദുബായിലെ ഗുൽമോഹർ വസന്തത്തിന്റെ ഭംഗിയും നഗരജീവിതവും ക്യാമറയിൽ പകർത്തിയ മികച്ച ചിത്രത്തിനാണ് മലയാളി ഫോട്ടോഗ്രാഫർ ജസീൽ പെരളശ്ശേരി ഒന്നാം സ്ഥാനം നേടിയത്. ഇതോടെ 15,000 ദിർഹം സമ്മാനത്തുകയും ജസീലിന് ലഭിച്ചു.മത്സരത്തിൽ മൂന്നാം സ്ഥാനവും 5,000 ദിർഹം സമ്മാനത്തുകയും മലയാളി പ്രവാസി ഫോട്ടോഗ്രാഫർ അനീഷ് അശോക് സ്വന്തമാക്കി. ലൂന താനിക് അൽ ജനാബി രണ്ടാം സ്ഥാനം നേടി.ദുബായിൽ നടന്ന ഫ്ലേം ട്രീ സീസൺ ഫോട്ടോഗ്രാഫി മത്സരത്തിലൂടെയാണ് മലയാളി ഫോട്ടോഗ്രാഫർമാരുടെ ഈ ശ്രദ്ധേയ നേട്ടം അന്താരാഷ്ട്ര തലത്തിൽ ശ്രദ്ധ നേടിയത്.