9
ദുബായ് : യുഎഇ ലോട്ടറിയുടെ ‘ലക്കി ഡേ’ നറുക്കെടുപ്പിൽ 3 കോടി ദിർഹത്തിന്റെ (ഏകദേശം 68 കോടിയിലധികം ഇന്ത്യൻ രൂപ) ബമ്പർ സമ്മാനം മലയാളി പ്രവാസി സ്വന്തമാക്കിയതായി സൂചന. ജൂലൈ 1-ന് നടന്ന നറുക്കെടുപ്പിലാണ് ഈ വൻ നേട്ടം പ്രവാസിക്ക് ലഭിച്ചത്. വിജയിയുടെ പേര് ‘Sunilkumar’ (സുനിൽകുമാർ) എന്ന് ഭാഗികമായി ലോട്ടറി അധികൃതർ വെളിപ്പെടുത്തിയതോടെയാണിത്.
1, 9, 15, 19, 20, 25 എന്നീ ‘Days’ നമ്പറുകളും, 6 എന്ന ‘Lucky Month’ നമ്പറും കൃത്യമായി ഒത്തുവന്നതാണ് ഈ ഭാഗ്യം കൊണ്ടുവന്നത്. ലോട്ടറിയുടെ ഫോർമാറ്റ് പരിഷ്കരിച്ചതിന് ശേഷം ലഭിക്കുന്ന രണ്ടാമത്തെ വലിയ ഗ്രാൻഡ് പ്രൈസാണിത്. മേയ് മാസത്തിൽ ഒരു നേപ്പാൾ സ്വദേശി ആദ്യ ജാക്ക്പോട്ട് സ്വന്തമാക്കിയിരുന്നു.