31
ഷാർജ: എമിറേറ്റിലെ സുരക്ഷാ സംവിധാനങ്ങളെക്കുറിച്ചുള്ള പൊതുജനങ്ങളുടെ അഭിപ്രായങ്ങളും അനുഭവങ്ങളും തേടിക്കൊണ്ട് ഷാർജ സിവിൽ ഡിഫൻസ് ‘സെൻസ് ഓഫ് സേഫ്റ്റി’ സർവേയുടെ രണ്ടാം പതിപ്പ് ആരംഭിച്ചു. ഡിപ്പാർട്ട്മെന്റ് ഓഫ് സ്റ്റാറ്റിസ്റ്റിക്സ് ആൻഡ് കമ്മ്യൂണിറ്റി ഡെവലപ്മെന്റുമായി സഹകരിച്ചാണ് ഈ പദ്ധതി നടപ്പിലാക്കുന്നത്. പൊതുജനങ്ങൾ സുരക്ഷയെ എങ്ങനെ വിലയിരുത്തുന്നു എന്നത് സംബന്ധിച്ച് കൃത്യമായ വിവരങ്ങൾ ശേഖരിക്കാനാണ് സർവേ ലക്ഷ്യമിടുന്നത്.
ഷാർജയിലെ ഷോപ്പിംഗ് മാളുകളിലും വാണിജ്യ കേന്ദ്രങ്ങളിലും സർവേ ടീമുകൾ നേരിട്ടെത്തിയാണ് വിവരങ്ങൾ ശേഖരിക്കുന്നത്. മാളുകൾ സന്ദർശിക്കുന്നവർക്ക് അവിടെയുള്ള ടീമുകളുമായി നേരിട്ട് സംവദിച്ചും സർവേയിൽ പങ്കെടുക്കാം. സമൂഹത്തിന്റെ സുരക്ഷാബോധം കൂടുതൽ വ്യക്തമായി മനസ്സിലാക്കാൻ സഹായിക്കുന്ന ഈ സർവേയിൽ കുറഞ്ഞ സമയം നീക്കിവെച്ച് പൊതുജനങ്ങൾ പങ്കെടുക്കണമെന്ന് അധികൃതർ അഭ്യർത്ഥിച്ചു.