10
ഷാർജ : ഷാർജ അൽ ഖാസിമിയയിലെ താമസസ്ഥലത്ത് കുഴഞ്ഞുവീണ് മലയാളി യുവതി മരിച്ചു. പ്രൊഫഷണൽ ദന്തഡോക്ടറായ ഡോ. അഫീന റഹീം (32) ആണ് തിങ്കളാഴ്ച രാവിലെയോടെ മരണപ്പെട്ടത്. അടുക്കളയിൽ കുഴഞ്ഞുവീണ നിലയിൽ കണ്ടെത്തിയത്. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കുട്ടികളെ പരിപാലിക്കുന്നതിനായി ദന്തചികിത്സാ രംഗത്തുനിന്നും താൽക്കാലികമായി ഇടവേളയെടുത്ത് വീട്ടിൽ വിശ്രമത്തിലായിരുന്നു ഇവർ. അധ്യാപകനായ യാസറാണ് ഭർത്താവ്. ഡോ. അഫീനയുടെ അപ്രതീക്ഷിത വേർപാട് കുടുംബത്തെയും പ്രവാസി സമൂഹത്തെയും വൻ ദുഃഖത്തിലാഴ്ത്തിയിരിക്കുകയാണ്.