34
ദുബായ് : കൃത്രിമ ബുദ്ധിയും ഡീപ്ഫേക്ക് സാങ്കേതികവിദ്യയും ഉപയോഗിച്ച് മന്ത്രാലയത്തിലെ ഉദ്യോഗസ്ഥരെപ്പോലെ ആൾമാറാട്ടം നടത്തി പണവും വ്യക്തിഗത വിവരങ്ങളും തട്ടിയെടുക്കുന്ന തട്ടിപ്പുകൾ വ്യാപകമാകുന്നതായി മുന്നറിയിപ്പ്. ജനങ്ങൾ അതീവ ജാഗ്രത പാലിക്കണമെന്ന് മാനവ വിഭവ ശേഷി സ്വദേശിവൽക്കരണ മന്ത്രാലയം (MoHRE) അറിയിച്ചു. വ്യാജ വീഡിയോകളും ശബ്ദ സന്ദേശങ്ങളും ഫോട്ടോകളും യാഥാർത്ഥ്യമാണെന്ന് തെറ്റിദ്ധരിച്ച് ആരും തട്ടിപ്പുകളിൽ വീഴരുതെന്ന് ബോധവത്കരണ കാമ്പെയ്നിലൂടെ മന്ത്രാലയം വ്യക്തമാക്കി. “നിങ്ങൾ കാണുന്നതെല്ലാം യഥാർത്ഥമാകണമെന്നില്ല” എന്ന് വ്യക്തമാക്കിയ മന്ത്രാലയം, ഏതെങ്കിലും സന്ദേശങ്ങൾ ലഭിച്ചാൽ അവയുടെ ആധികാരികത ഉറപ്പുവരുത്തണമെന്നും അഭ്യർത്ഥിച്ചു.