പത്താം വാർഷിക ആഘോഷങ്ങൾക്കൊരുങ്ങി ദുബായ് ഓപ്പറ

ദുബായ് : യുഎഇയുടെ പ്രമുഖ സാംസ്കാരിക കേന്ദ്രമായ ദുബായ് ഓപ്പറ (Dubai Opera) പത്താം വാർഷികത്തിലേക്ക് കടക്കുന്നതിന്റെ ഭാഗമായി 2026-27 സീസണിലെ മികച്ച 20 ഷോകളുടെ വിവരങ്ങൾ പുറത്തുവിട്ടു. ഈ വർഷം സെപ്റ്റംബർ മുതൽ അടുത്ത വർഷം ജനുവരി വരെ നീണ്ടുനിൽക്കുന്ന ആഘോഷങ്ങളിൽ ഓപ്പറ, ബാലെ, ക്ലാസിക്കൽ സംഗീതം, കോമഡി, നാടകം, അന്താരാഷ്ട്ര സംഗീത കച്ചേരികൾ എന്നിവ അരങ്ങേറും.
സെപ്റ്റംബർ 12-ന് പ്രശസ്ത സോപ്രാനോ ഗായിക ഫാത്മ സയീദ്, യുഎഇ നാഷണൽ ഓർക്കസ്ട്ര എന്നിവർ അണിനിരക്കുന്ന പ്രത്യേക ഗാലാ ഈവന്റോടെയാണ് ആഘോഷങ്ങൾക്ക് തുടക്കമാകുന്നത്. ലോകപ്രശസ്ത സ്റ്റാൻഡ്-അപ്പ് കൊമേഡിയൻ ട്രെവർ നോവയുടെ ലൈവ് ഷോ (നവംബർ 25-29), ഐസ് സ്കേറ്റിംഗും ബാലെയും കോർത്തിണക്കിയ ‘സ്വാൻ ലേക്ക് ഓൺ ഐസ്’ (ജനുവരി 14-17), റഷ്യൻ ബോൾഷോയ് തിയേറ്ററിന്റെ (Bolshoi Theatre) പ്രത്യേക അവതരണം (ഡിസംബർ 2-6) എന്നിവയാണ് പ്രധാന ആകർഷണങ്ങൾ. കൂടാതെ ഗോഡ് സേവ് ദി ക്വീൻ, ആമി വൈൻഹൗസ് ബാൻഡ്, ജിപ്സി കിംഗ്സ്, ദുബായ് കോമഡി ഫെസ്റ്റിവൽ എന്നിവയും കലാപ്രേമികൾക്കായി ഒരുക്കിയിട്ടുണ്ട്.