ഹോങ്കോങ്ങിനെ ‘തൂക്കി’ യുഎഇ: പ്രീമിയർ കപ്പ് ഫൈനലിൽ വൻ സീൻ

ദുബായ് : ഹോങ്കോങ്ങിനെതിരെ മിന്നുന്ന വിജയം നേടി യുഎഇ ക്രിക്കറ്റ് ടീം തുടർച്ചയായ മൂന്നാം തവണയും എസിസി മെൻസ് പ്രീമിയർ കപ്പ് (ACC Men’s Premier Cup) ഫൈനലിൽ കടന്നു. മലേഷ്യയിൽ നടന്ന സെമി ഫൈനലിൽ ഹോങ്കോങ്ങിനെ വെറും 70 റൺസിന് പുറത്താക്കിയാണ് യുഎഇ കലാശപ്പോരാട്ടത്തിന് യോഗ്യത നേടിയത്. 14 റൺസ് മാത്രം വഴങ്ങി 6 വിക്കറ്റുകൾ വീഴ്ത്തിയ ഇടങ്കയ്യൻ സ്പിന്നർ ഹൈദർ അലിയുടെ പ്രകടനമാണ് യുഎഇക്ക് എളുപ്പവഴി തുറന്നത്.
ഹോങ്കോങ് ഉയർത്തിയ 70 റൺസ് ലക്ഷ്യം മൂന്ന് വിക്കറ്റ് മാത്രം നഷ്ടത്തിൽ 12 ഓവറിനുള്ളിൽ (11.1 ഓവറിൽ) യുഎഇ മറികടന്നു. യുഎഇയ്ക്കായി വിക്കറ്റ് കീപ്പർ അദീബ് ഉസ്മാനിയും ബോളിംഗിൽ തിളങ്ങി രണ്ട് വിക്കറ്റുകൾ നേടി. സെപ്റ്റംബർ 12 ശനിയാഴ്ച മലേഷ്യയിലെ ക്വാലാലംപൂരിലാണ് ഫൈനൽ മത്സരം നടക്കുന്നത്. ഏഷ്യൻ ക്രിക്കറ്റ് കൗൺസിലിന്റെ (ACC) യൂട്യൂബ് ചാനലിലൂടെ ആരാധകർക്ക് മത്സരം തത്സമയം കാണാം.