അബുദാബി : യുഎഇയിൽ യാത്രാ ട്രെയിൻ സർവീസുകൾ യാഥാർത്ഥ്യമാകുന്നതോടെ രാജ്യത്തെ തൊഴിൽ വിപണിയിലും റിക്രൂട്ട്‌മെന്റ് രംഗത്തും വിപ്ലവകരമായ മാറ്റങ്ങൾ ഉണ്ടാകുമെന്ന് ഹ്യൂമൻ റിസോഴ്‌സ് (HR) വിദഗ്ധർ വ്യക്തമാക്കുന്നു. നിലവിൽ ദീർഘദൂര യാത്രയും കടുത്ത ഗതാഗതക്കുരുക്കും ഭയന്ന് മറ്റ് എമിറേറ്റുകളിലെ മികച്ച തൊഴിലവസരങ്ങൾ പലരും നിരസിക്കാറുണ്ട്. എന്നാൽ എത്തിഹാദ് റെയിൽ വരുന്നതോടെ എമിറേറ്റുകൾ തമ്മിലുള്ള യാത്രാസമയം ഗണ്യമായി കുറയുകയും കമ്പനികൾക്ക് കൂടുതൽ ദൂരങ്ങളിൽ നിന്നുള്ള കഴിവുള്ള ഉദ്യോഗസ്ഥരെ കണ്ടെത്താൻ സാധിക്കുകയും ചെയ്യും. അബുദാബി, ദുബായ്, ഷാർജ, ഫുജൈറ തുടങ്ങിയ നഗരങ്ങളെ ബന്ധിപ്പിക്കുന്ന ഈ റെയിൽ ശൃംഖല ഉദ്യോഗസ്ഥരുടെ യാത്രാക്ലേശം പൂർണ്ണമായും ഇല്ലാതാക്കുമെങ്കിലും, കമ്പനികൾ തങ്ങളുടെ ജോലി രീതികളിലും ആനുകൂല്യങ്ങളിലും ഉചിതമായ മാറ്റങ്ങൾ വരുത്തിയാൽ മാത്രമേ ഈ വിപ്ലവം പൂർണ്ണതോതിൽ വിജയമാകൂ എന്നും വിദഗ്ധർ വിലയിരുത്തുന്നു.
25