ദുബായ് ഷോപ്പിംഗ് മാളുകളുടെ വിജയഗാഥ പങ്കുവെച്ച് അൽ ഗെർഗാവി

ദുബായ് : വർഷങ്ങൾക്ക് മുൻപ് ഏതാനും ലക്ഷം സന്ദർശകർ മാത്രം എത്തിയിരുന്ന ദുബായിലെ ഷോപ്പിംഗ് മാളുകളിലേക്ക് ഇന്ന് പ്രതിവർഷം 20 കോടിയിലധികം ആളുകൾ എത്തുന്ന ആഗോള വിജയഗാഥ വിശദീകരിച്ച് യുഎഇ കാബിനറ്റ് കാര്യ മന്ത്രി മുഹമ്മദ് ബിൻ അബ്ദുള്ള അൽ ഗെർഗാവി. യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തുമിന്റെ ദീർഘവീക്ഷണമാണ് ഈ വിപ്ലവകരമായ മാറ്റത്തിന് പിന്നിലെന്ന് അദ്ദേഹം വ്യക്തമാക്കി. വെറുമൊരു കച്ചവട കേന്ദ്രങ്ങൾ എന്നതിനപ്പുറം ടൂറിസം, വിനോദം, സംസ്കാരം എന്നിവ സമന്വയിപ്പിച്ചുകൊണ്ട് ലോകത്തെ ഏറ്റവും മികച്ച ഷോപ്പിംഗ് ഡെസ്റ്റിനേഷനായി ദുബായിലെ മാളുകളെ മാറ്റിയെടുക്കാൻ ഈ നയങ്ങൾക്ക് സാധിച്ചുവെന്നും അദ്ദേഹം കൂട്ടിച്ചേർത്തു.