പ്രിയ അധ്യാപികയുടെ വിയോഗത്തിൽ ദുബായ് വെസ്റ്റ്മിനിസ്റ്റർ സ്കൂൾ

ദുബായ് : ജംസ് എജ്യുക്കേഷന് (GEMS Education) കീഴിൽ മൂന്ന് പതിറ്റാണ്ടിലേറെക്കാലം സേവനം അനുഷ്ഠിച്ച അധ്യാപികയും പരീക്ഷാ ഓഫീസറുമായ അഞ്ജന സനൽകുമാറിന്റെ വിയോഗത്തിൽ ദുബായ് വെസ്റ്റ്മിനിസ്റ്റർ സ്കൂൾ (TWS) സമൂഹം ദുഃഖത്തിൽ. അർബുദബാധയെ തുടർന്ന് ദുബായിൽ വെച്ചായിരുന്നു അഞ്ജനയുടെ മരണം.

ജംസ് എജ്യുക്കേഷനിൽ 33 വർഷത്തെ സേവനം പൂർത്തിയാക്കിയ അഞ്ജനയുടെ സ്മരണാർത്ഥം ‘അഞ്ജന സനൽകുമാർ മെമ്മോറിയൽ സ്കോളർഷിപ്പ്’ ഏർപ്പെടുത്തുമെന്ന് ജംസ് സി.ഇ.ഒ ഡിനോ വർക്കി നേരത്തെ പ്രഖ്യാപിച്ചിരുന്നു. ദീർഘകാലത്തെ സേവനത്തിന് അർഹമായ ഒരു സ്മാരകം ഉണ്ടാകേണ്ടതുണ്ടെന്ന് അദ്ദേഹം അനുശോചന സന്ദേശത്തിൽ വ്യക്തമാക്കി. കഴിഞ്ഞ വ്യാഴാഴ്ച ഓൺലൈനായി നടന്ന അനുശോചന ചടങ്ങിൽ നിരവധി സഹപ്രവർത്തകരും സുഹൃത്തുക്കളും പ്രിയ അധ്യാപികയ്ക്ക് കണ്ണീരോടെ വിടനൽകി.