11
ഷാർജ: റോഡ് സുരക്ഷ, അച്ചടക്കം, മികച്ച സേവനം, ഉപഭോക്തൃ പരിചരണം എന്നിവയിൽ മാതൃകാപരമായ പ്രവർത്തനം കാഴ്ചവെച്ച 180 ഡ്രൈവർമാരെ ഷാർജ റോഡ്സ് ആൻഡ് ട്രാൻസ്പോർട്ട് അതോറിറ്റി (SRTA) ആദരിച്ചു. അതോറിറ്റിയുടെ 2026-ലെ വാർഷിക ചടങ്ങിലാണ് ഉദ്യോഗസ്ഥരുടെയും തന്ത്രപ്രധാന പങ്കാളികളുടെയും ഫ്രാഞ്ചൈസി കമ്പനി പ്രതിനിധികളുടെയും സാന്നിധ്യത്തിൽ ഡ്രൈവർമാരെ അനുമോദിച്ചത്.
സുരക്ഷ, അച്ചടക്കം, പ്രകടനം, കസ്റ്റമർ സർവീസിലെ മികവ് എന്നിവ അടിസ്ഥാനമാക്കിയാണ് ആദരിക്കേണ്ട ഡ്രൈവർമാരെ തിരഞ്ഞെടുത്തത്. ഷാർജയിലെ ഗതാഗത സേവനങ്ങളുടെ കാര്യക്ഷമതയും സംയോജനവും വർദ്ധിപ്പിക്കുന്നതിൽ മികച്ച സംഭാവനകൾ നൽകിയ കോൾ സെന്റർ ജീവനക്കാർ, തന്ത്രപ്രധാന പങ്കാളികൾ, ഗതാഗത ഓപ്പറേറ്റർമാർ എന്നിവരെയും ചടങ്ങിൽ ആദരിച്ചു.