ദുബായിൽ സ്വർണ്ണവില കുറഞ്ഞു

ദുബായ് : യുഎസ് ഫെഡറൽ റിസർവ് പലിശനിരക്കുകൾ സംബന്ധിച്ച് സ്വീകരിക്കുന്ന നിലപാടുകളും ആഗോള വിപണിയിലെ എണ്ണവിലയിലെ മാറ്റങ്ങളും മൂലം ദുബായിൽ സ്വർണ്ണവിലയിൽ ഇടിവ്. ഒരു ആഴ്ചയ്ക്കിടെ 24 കാരറ്റ് സ്വർണ്ണത്തിന് ഗ്രാമിന് 9.25 ദിർഹമിന്റെ കുറവാണ് രേഖപ്പെടുത്തിയത്. വ്യാഴാഴ്ച വിപണി തുറന്നപ്പോൾ 24 കാരറ്റ് സ്വർണ്ണത്തിന് ഗ്രാമിന് 517 ദിർഹമായിരുന്നു നിരക്ക്. ചൊവ്വാഴ്ച ഇത് 516.25 ദിർഹമായിരുന്നു.
മറ്റ് സ്വർണ്ണ വേരിയന്റുകളായ 22 കാരറ്റിന് 478.75 ദിർഹം, 21 കാരറ്റിന് 459 ദിർഹം, 18 കാരറ്റിന് 393.5 ദിർഹം, 14 കാരറ്റിന് 306.75 ദിർഹം എന്നിങ്ങനെയാണ് വ്യാഴാഴ്ച രാവിലെ വ്യാപാരം നടന്നത്. അന്താരാഷ്ട്ര വിപണിയിൽ സ്പോട്ട് ഗോൾഡ് വില ഔൺസിന് 4,291.3 ഡോളർ എന്ന നിലയിലാണ്. ബാങ്ക് പലിശനിരക്കുകൾ ഉയർന്നേക്കാമെന്ന സൂചനകൾ സ്വർണ്ണവിലയുടെ ഉണർവിനെ സ്വാധീനിക്കുന്നുണ്ടെങ്കിലും സെൻട്രൽ ബാങ്കുകളിൽ നിന്നുള്ള ആവശ്യകതയും ഇടിഎഫ് (ETF) നിക്ഷേപങ്ങളും സ്വർണ്ണത്തിന് വിപണിയിൽ പിന്തുണ നൽകുന്നുണ്ടെന്ന് സാമ്പത്തിക വിദഗ്ദ്ധർ ചൂണ്ടിക്കാട്ടുന്നു.