30
അബുദാബി : അബുദാബിയുടെ പ്രാന്തപ്രദേശങ്ങളിലെ ട്രാഫിക്, സെക്യൂരിറ്റി പട്രോളിംഗ് സംവിധാനങ്ങളുടെ പ്രവർത്തന സജ്ജീകരണങ്ങളും പുരോഗതിയും വിലയിരുത്തുന്നതിനായി അബുദാബി പോലീസ് മേധാവി മേജർ ജനറൽ അഹമ്മദ് സൈഫ് ബിൻ സൈത്തൂൻ അൽ മുഹൈരി നേരിട്ട് സന്ദർശനം നടത്തി. റോഡ് സുരക്ഷയും സ്മാർട്ട് പൊലീസിംഗും ഉറപ്പാക്കുന്നതിന്റെ ഭാഗമായി പട്രോളിംഗ് വിഭാഗങ്ങളുടെ അടിയന്തിര സാഹചര്യങ്ങളിലെ പ്രതികരണ സമയം (Response Time), അത്യാധുനിക സാങ്കേതികവിദ്യകളുടെ ഉപയോഗം എന്നിവ അദ്ദേഹം വിലയിരുത്തി. ഉദ്യോഗസ്ഥർക്ക് നൽകുന്ന മികച്ച പരിശീലന പരിപാടികൾ തുടരണമെന്നും യുവാക്കളെ കേന്ദ്രീകരിച്ച് ട്രാഫിക് നിയമങ്ങളെക്കുറിച്ചുള്ള ബോധവൽക്കരണ കാമ്പെയ്നുകൾ ശക്തമാക്കണമെന്നും സന്ദർശനത്തിനിടെ ഉന്നത പോലീസ് ഉദ്യോഗസ്ഥരുടെ സാന്നിധ്യത്തിൽ അദ്ദേഹം നിർദ്ദേശിച്ചു.