21
അബുദാബി : മുൻ ഖത്തർ അമീറും ഇപ്പോഴത്തെ അമീറിന്റെ പിതാവുമായ ഷെയ്ഖ് ഹമദ് ബിൻ ഖലീഫ അൽഥാനിയുടെ നിര്യാണത്തെ തുടർന്ന് യുഎഇയിൽ നാല് ദിവസത്തെ ഔദ്യോഗിക ദുഃഖാചരണം പ്രഖ്യാപിച്ചു. ജൂലൈ 12 ഞായറാഴ്ച മുതൽ ജൂലൈ 15 ബുധനാഴ്ച വരെ രാജ്യത്തെ എല്ലാ ഔദ്യോഗിക സ്ഥാപനങ്ങളിലും വിദേശത്തുള്ള യുഎഇ എംബസികളിലും നയതന്ത്ര കാര്യാലയങ്ങളിലും ദേശീയ പതാക പകുതി താഴ്ത്തിക്കെട്ടും. യുഎഇ പ്രസിഡൻഷ്യൽ കോർട്ട് ഖത്തർ രാജകുടുംബത്തിന്റെ ദുഃഖത്തിൽ പങ്കുചേരുകയും അനുശോചനം അറിയിക്കുകയും ചെയ്തു. യുഎഇക്ക് പുറമെ കുവൈറ്റും നാല് ദിവസത്തെ ദുഃഖാചരണം പ്രഖ്യാപിച്ചിട്ടുണ്ട്. ഖത്തറിൽ തിങ്കളാഴ്ച മുതൽ സർക്കാർ സ്ഥാപനങ്ങൾക്കും മന്ത്രാലയങ്ങൾക്കും പൊതു അവധിയായിരിക്കും.