റസൽഖൈമ : യുഎഇ നിവാസികളുടെ ഇടയിൽ നിഗൂഢതകൾ നിറഞ്ഞ കഥകളിലൂടെ പ്രശസ്തമായ റസൽഖൈമയിലെ ‘അൽ ഖാസിമി പാലസ്’ (Al Qasimi Palace) വീണ്ടും വില്പനയ്ക്ക്. ‘ഭൂതബംഗ്ലാവ്’ എന്നറിയപ്പെടുന്നത് ഒരു തടസ്സമായി കാണാതെ, നിരവധി ആഗോള നിക്ഷേപകരാണ് കൊട്ടാരം സ്വന്തമാക്കാൻ താല്പര്യം പ്രകടിപ്പിച്ച് രംഗത്തെത്തിയിരിക്കുന്നത്. ഫർണിച്ചറുകൾ ഇല്ലാതെ 2.25 കോടി ദിർഹമിനും (22.5 million Dirhams) പുരാതന കലാരൂപങ്ങളോടും അപൂർവ്വ വസ്തുക്കളോടും കൂടി 2.35 കോടി ദിർഹമിനുമാണ് (23.5 million Dirhams) കൊട്ടാരം വിപണിയിൽ വിലയിട്ടിരിക്കുന്നത്.
1985-ൽ റസൽഖൈമ ഭരണകുടുംബാംഗമായിരുന്ന ഷെയ്ഖ് അബ്ദുൽ അസീസ് ബിൻ ഹുമൈദ് അൽ ഖാസിമി നിർമ്മിച്ച ഈ കൊട്ടാരം, 35 കിടപ്പുമുറികളും 191,742 ചതുരശ്ര അടി വിസ്തീർണ്ണമുള്ള ഭൂമിയുമടങ്ങുന്നതാണ്. 50 കോടി ദിർഹമിലധികം ചെലവഴിച്ച് നിർമ്മിച്ചെങ്കിലും ആരും താമസിക്കാത്തതിനെ തുടർന്നാണ് ആൾപ്പാർപ്പില്ലാത്ത കൊട്ടാരത്തെക്കുറിച്ച് പ്രേതകഥകൾ പ്രചരിച്ചത്. 2019-ൽ ഇതൊരു ടൂറിസ്റ്റ് മ്യൂസിയമാക്കി മാറ്റിയിരുന്നു. യുഎസ്, യുകെ, ഇന്ത്യ എന്നിവിടങ്ങളിൽ നിന്നുള്ള നിക്ഷേപകർ കൊട്ടാരം ഹോട്ടലോ റിസോർട്ടോ ആക്കി മാറ്റാനുള്ള സാധ്യതകൾ മുന്നിൽക്കണ്ടാണ് ലേലത്തിൽ പങ്കാളികളാകുന്നത്.
7