ദുബായ് : എമിറാത്തി സംസ്കാരത്തിന്റെയും മരുഭൂമിയിലെ പരമ്പരാഗത ജീവിതരീതികളുടെയും പ്രതീകമായ ‘അൽ ഖുസാമിന്റെ’ (Al Khuzam) ചരിത്രവഴികളും പരിണാമവും വ്യക്തമാക്കുന്ന ഗവേഷണ പദ്ധതി വിലയിരുത്തി യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തും. തലമുറകളിലൂടെ അൽ ഖുസാം ഒരു നിത്യോപയോഗ വസ്തുവിൽ നിന്നും എങ്ങനെ ഒരു സാമൂഹിക-സാംസ്കാരിക പ്രതീകമായി മാറിയെന്ന് വ്യക്തമാക്കുന്നതാണ് ഈ പദ്ധതി.
ദുബായ് കിരീടാവകാശിയും ഉപപ്രധാനമന്ത്രിയും പ്രതിരോധമന്ത്രിയുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തും, ദുബായ് രണ്ടാം ഡെപ്യൂട്ടി ഭരണാധികാരി ഷെയ്ഖ് അഹമ്മദ് ബിൻ മുഹമ്മദ് ബിൻ റാഷിദ് അൽ മക്തും എന്നിവരുടെ സാന്നിധ്യത്തിലാണ് പദ്ധതി അവതരിപ്പിച്ചത്. പരമ്പരാഗത കരകൗശല വിദ്യകളെ സംരക്ഷിക്കുന്നതോടൊപ്പം ഇവയെ ആധുനിക ഡിസൈനുകളിലേക്കും ഉൽപ്പന്നങ്ങളിലേക്കും സമന്വയിപ്പിച്ച് പുതിയ സംരംഭകർക്ക് അവസരമൊരുക്കുകയാണ് ‘ദി ഡെവലപ്‌മെന്റ് ഓഫീസ്’ മേൽനോട്ടം വഹിക്കുന്ന ഈ പദ്ധതിയിലൂടെ ലക്ഷ്യമിടുന്നത്.
31