സിറിയൻ നഗരമായ അലപ്പോയിലേക്ക് ഫ്ലൈ ദുബായ് സർവീസ് പുനരാരംഭിക്കുന്നു

ദുബായ് : നീണ്ട 14 വർഷത്തെ ഇടവേളയ്ക്ക് ശേഷം സിറിയയിലെ ചരിത്ര നഗരമായ അലപ്പോയിലേക്ക് (Aleppo) നേരിട്ടുള്ള വിമാന സർവീസുകൾ പുനരാരംഭിക്കാൻ ഒരുങ്ങി ഫ്ലൈ ദുബായ്. 2026 ജൂലൈ 20 മുതൽ ദുബായ് ഇന്റർനാഷണൽ എയർപോർട്ടിൽ (DXB) നിന്ന് അലപ്പോ അന്താരാഷ്ട്ര വിമാനത്താവളത്തിലേക്ക് പ്രതിദിന സർവീസുകൾ ആരംഭിക്കും. കഴിഞ്ഞ വർഷം ഡമാസ്കസിലേക്ക് സർവീസ് തുടങ്ങിയതിന് പിന്നാലെ സിറിയയിലേക്കുള്ള ഫ്ലൈ ദുബായുടെ രണ്ടാമത്തെ ഡെസ്റ്റിനേഷനാണിത്. എമിറേറ്റ്സുമായി കോഡ്ഷെയർ പങ്കാളിത്തമുള്ള ഈ സർവീസിലേക്ക് ദുബായിൽ നിന്നുള്ള റിട്ടേൺ ഇക്കണോമി ടിക്കറ്റ് നിരക്കുകൾ 1,800 ദിർഹം മുതലാണ് ആരംഭിക്കുന്നത്. പുതിയ സർവീസ് യുഎഇയും സിറിയയും തമ്മിലുള്ള സാമ്പത്തിക, സാംസ്കാരിക, കുടുംബ ബന്ധങ്ങൾ കൂടുതൽ ദൃഢമാക്കുമെന്നും വേനൽക്കാലത്തെ യാത്രാ തിരക്കിന് വലിയ ആശ്വാസമാകുമെന്നും ഫ്ലൈ ദുബായ് സിഇഓ ഗൈത് അൽ ഗൈത് വ്യക്തമാക്കി.