ദുബായ് : റോഡ് സുരക്ഷ വർദ്ധിപ്പിക്കുന്നതിനും ഭാവിയിലെ ഗതാഗത വെല്ലുവിളികൾ നേരിടുന്നതിനുമായി ട്രാഫിക് വിഭാഗത്തിനായുള്ള പുതിയ ‘2040 വിഷൻ’ ദുബായ് പോലീസ് പുറത്തിറക്കി. ദുബായ് 2040 അർബൻ മാസ്റ്റർ പ്ലാനിന് (Dubai 2040 Urban Master Plan) അനുസൃതമായാണ് സുരക്ഷ, കമ്മ്യൂണിറ്റി ക്ഷേമം, നൂതന സാങ്കേതികവിദ്യ എന്നിവയ്ക്ക് മുൻഗണന നൽകുന്ന ഈ പദ്ധതി ആവിഷ്കരിച്ചിരിക്കുന്നത്.
ഭാവിയിലെ ട്രാഫിക് പദ്ധതികൾക്കുള്ള കൃത്യമായ റോഡ് മാപ്പായിരിക്കും ഈ വിഷനെന്ന് ജനറൽ ഡിപ്പാർട്ട്‌മെന്റ് ഓഫ് ട്രാഫിക് ഡയറക്ടർ ബ്രിഗേഡിയർ ജുമാ സാലം ബിൻ സുവൈദാൻ പറഞ്ഞു. അപകടസാധ്യതകൾ വലിയ ട്രാഫിക് പ്രശ്നങ്ങളായി മാറുന്നതിന് മുൻപ് തന്നെ കണ്ടുപിടിക്കാനും ആവശ്യമായ നടപടികൾ സ്വീകരിക്കാനും കൃത്രിമബുദ്ധിയും (AI) ഡിജിറ്റൽ സാങ്കേതികവിദ്യകളും സഹായിക്കും. ഗതാഗത രംഗത്തുണ്ടാകുന്ന മാറ്റങ്ങൾ മുൻകൂട്ടി കണ്ട് പദ്ധതികൾ നടപ്പിലാക്കാൻ ഇത് ദുബായ് പോലീസിന് കരുത്തേകും.
9