20
ദുബായ് : യുഎഇയിലെ പ്രവാസികളും വിനോദസഞ്ചാരികളും ഒരുപോലെ കാത്തിരിക്കുന്ന ദുബായ് ഗ്ലോബൽ വില്ലേജിന്റെ 31-ാം സീസൺ ഒക്ടോബറിൽ ആരംഭിച്ചേക്കും. വേനൽക്കാല അവധിക്ക് ശേഷം വീണ്ടും വാതിലുകൾ തുറക്കാനൊരുങ്ങുന്ന ഗ്ലോബൽ വില്ലേജിന്റെ കൃത്യമായ തീയതിയും മറ്റ് സവിശേഷതകളും അടങ്ങിയ ഔദ്യോഗിക അറിയിപ്പ് വരും ദിവസങ്ങളിൽ അധികൃതർ പുറത്തുവിടും. ആഗോള സംസ്കാരങ്ങളുടെ സംഗമവേദിയായ ഇവിടെ വിവിധ രാജ്യങ്ങളുടെ പവലിയനുകൾ, വൈവിധ്യമാർന്ന ഭക്ഷണശാലകൾ, കലാപരിപാടികൾ, വിനോദസഞ്ചാര കാഴ്ചകൾ എന്നിവയാണ് സന്ദർശകരെ കാത്തിരിക്കുന്നത്.