ദുബായ് സ്വർണ്ണവിപണിയിൽ നിരക്കുകൾ മാറ്റമില്ലാതെ തുടരുന്നു

ദുബായ് : യുഎസ് ഫെഡറൽ റിസർവിന്റെ വരാനിരിക്കുന്ന പലിശനിരക്ക് നയപ്രഖ്യാപനത്തിന് മുന്നോടിയായി ദുബായിൽ സ്വർണ്ണവില മാറ്റമില്ലാതെ തുടരുന്നു. 24 കാരറ്റ് സ്വർണ്ണത്തിന് ഗ്രാമിന് 492.75 ദിർഹത്തിലാണ് തിങ്കളാഴ്ച വ്യാപാരം നടക്കുന്നത്. 22 കാരറ്റ് ഗ്രാമിന് 456.25 ദിർഹവും, 21 കാരറ്റ് ഗ്രാമിന് 437.50 ദിർഹവും, 18 കാരറ്റ് ഗ്രാമിന് 375 ദിർഹവുമാണ് ഇന്നത്തെ നിരക്ക്.
അന്താരാഷ്ട്ര വിപണിയിൽ സ്പോട്ട് ഗോൾഡ് ഔൺസിന് 4,093.5 ഡോളർ എന്ന നിലവാരത്തിലാണ് വ്യാപാരം പുരോഗമിക്കുന്നത്. യുഎസ്-ഇറാൻ സംഘർഷങ്ങളെത്തുടർന്ന് ബ്രെന്റ് ക്രൂഡ് ഓയിൽ വില ബാരലിന് 100 ഡോളറിന് മുകളിലേക്ക് ഉയർന്നതും, ഡോളറിന്റെ മൂല്യം കരുത്താർജ്ജിച്ചതുമാണ് സ്വർണ്ണവിലയെ നിലവിൽ സ്വാധീനിക്കുന്നത്. എങ്കിലും അന്താരാഷ്ട്ര വിപണിയിൽ 4,000 ഡോളർ നിരക്കിൽ സ്വർണ്ണത്തിന് ആവശ്യക്കാർ ഉള്ളത് കൂടുതൽ വിലയിടിവ് തടയുന്നുണ്ട്.