മനാമ : യുഎഇ അതിർത്തി വഴി നിയമവിരുദ്ധമായി കുറ്റവാളികളെയും സുരക്ഷാ ഏജൻസികൾ തിരയുന്ന വ്യക്തികളെയും കടത്താനുള്ള ക്രിമിനൽ പദ്ധതി തകർത്ത നടപടിയെ ശക്തമായി അപലപിച്ച് ബഹ്റൈൻ. സമയബന്ധിതമായി ഇടപെട്ട് ഗൂഢാലോചന പരാജയപ്പെടുത്തുകയും പ്രതികളെ അറസ്റ്റ് ചെയ്ത് പബ്ലിക് പ്രോസിക്യൂഷന് കൈമാറുകയും ചെയ്ത യുഎഇ സുരക്ഷാ സേനയുടെ മികവിനെയും ജാഗ്രതയെയും ബഹ്റൈൻ പ്രശംസിച്ചു.
യുഎഇയുടെ പരമാധികാരവും അതിർത്തികളും സംരക്ഷിക്കുന്നതിനും സുരക്ഷ ഉറപ്പാക്കുന്നതിനുമായി സ്വീകരിക്കുന്ന എല്ലാ നിയമ-സുരക്ഷാ നടപടികൾക്കും ബഹ്റൈൻ പൂർണ്ണ പിന്തുണ പ്രഖ്യാപിച്ചു. ജിസിസി രാജ്യങ്ങളുടെ സുരക്ഷയും സ്ഥിരതയും വേർപെടുത്താനാവാത്ത ഒന്നാണെന്നും ഇരു രാജ്യങ്ങളും തമ്മിലുള്ള ആഴത്തിലുള്ള സൗഹൃദബന്ധം ശക്തമായി തുടരുമെന്നും ബഹ്റൈൻ വിദേശകാര്യ മന്ത്രാലയം പ്രസ്താവനയിലൂടെ വ്യക്തമാക്കി.
