കേസ് പരിശോധനയ്ക്ക് ഏജന്റിക് എഐയുമായി യു.എഇ മന്ത്രാലയം

അബുദാബി : അബുദാബി ദേശീയ പ്രകടന കേന്ദ്രമായ അഡ്നെക് സെന്ററിൽ (ADNEC) പുരോഗമിക്കുന്ന 15-ാമത് യു.എൻ ക്രൈം പ്രിവൻഷൻ ആൻഡ് ക്രിമിനൽ ജസ്റ്റിസ് കോൺഗ്രസിൽ, പുതിയ ആർട്ടിഫിഷ്യൽ ഇന്റലിജൻസ് സംവിധാനം അവതരിപ്പിച്ച് യു.എഇ നീതിന്യായ മന്ത്രാലയം. വിചാരണയ്ക്ക് മുമ്പുള്ള കേസ് വിശകലനവും തെളിവുകളുടെ സംഗ്രഹവും പരമ്പരാഗതമായി എടുത്തിരുന്ന 18 പ്രവൃത്തിദിനങ്ങളിൽ നിന്ന് വെറും 2 മണിക്കൂറായി കുറയ്ക്കാൻ പുതിയ ‘ഏജന്റിക് എഐ’ (Agentic AI) സംവിധാനത്തിന് സാധിക്കുമെന്ന് മന്ത്രാലയം വ്യക്തമാക്കി.

ആയിക്കണക്കിന് പേജുകളുള്ള രേഖകളും തെളിവുകളും പരിശോധിക്കാൻ ജഡ്ജിമാർ പരമ്പരാഗതമായി 18 ദിവസത്തോളം മാറ്റിവെക്കേണ്ടി വന്നിരുന്നു. ഒമ്പത് മാസത്തോളം നീണ്ട പരിശ്രമത്തിനൊടുവിൽ വികസിപ്പിച്ചെടുത്ത ഈ വലിയ ഭാഷാ മാതൃക (LLM), 22,000-ത്തിലധികം നിയമപരമായ രേഖകളിൽ പരിശീലിപ്പിക്കുകയും 10,000 ചരിത്രപരമായ കേസ് ഫയലുകളിൽ പരീക്ഷിക്കുകയും ചെയ്തിട്ടുണ്ട്. യു.എഇയുടെ വ്യക്തിഗത ഡാറ്റാ സംരക്ഷണ നിയമങ്ങൾ പൂർണ്ണമായും പാലിച്ചുകൊണ്ടാണ് ഇത് തയ്യാറാക്കിയിരിക്കുന്നത്.

എങ്കിലും, ഈ സംവിധാനം പൂർണ്ണമായും ഒരു സഹായ സംവിധാനം മാത്രമാണെന്നും ജുഡീഷ്യൽ സ്വാതന്ത്ര്യവും മനുഷ്യന്റെ മേൽനോട്ടവും പൂർണ്ണമായി നിലനിർത്തുന്നുണ്ടെന്നും മന്ത്രാലയം വ്യക്തമാക്കി. ജഡ്ജിമാർക്ക് കൃത്യമായ സംഗ്രഹങ്ങളും കേസ് വിവരങ്ങളും നൽകാൻ എഐ സഹായിക്കുമെങ്കിലും അന്തിമ തീരുമാനം എടുക്കാനുള്ള പൂർണ്ണ അധികാരം ജഡ്ജിമാർക്ക് മാത്രമായിരിക്കും.