എണ്ണക്കപ്പൽ ജീവനക്കാരുടെ കൊലപാതകം: അപലപനവുമായി യു.എ.ഇ

അബുദാബി : സോമാലിയൻ തീരത്ത് വെച്ച് ഹൈജാക്ക് ചെയ്യപ്പെട്ട ‘എം.ടി. ഹോണർ 25′ (MT Honour 25) എണ്ണക്കപ്പൽ മോചിപ്പിക്കുന്നതിനിടയിൽ കൊല്ലപ്പെട്ട ജീവനക്കാരുടെ മരണത്തിലും പരിക്കുകളിലും യു.എ ഇ ശക്തമായ അപലപനം രേഖപ്പെടുത്തി. സമുദ്രസുരക്ഷയ്ക്കും അന്താരാഷ്ട്ര വ്യാപാര പാതകളുടെ സുരക്ഷിതത്വത്തിനും ഇത്തരം ക്രിമിനൽ നടപടികൾ ഗുരുതരമായ ഭീഷണിയാണെന്ന് യു.എ.ഇ വിദേശകാര്യ മന്ത്രാലയം (MoFA) വ്യക്തമാക്കി. കൊല്ലപ്പെട്ടവരുടെ കുടുംബങ്ങളുടെ ദുഃഖത്തിൽ പങ്കുചേരുന്നതായും പരിക്കേറ്റവർക്ക് എത്രയും പെട്ടെന്ന് സുഖം പ്രാപിക്കട്ടെയെന്നും മന്ത്രാലയം ഔദ്യോഗിക പ്രസ്താവനയിലൂടെ അറിയിച്ചു.