ദുബായ് : യുഎഇയുടെ ദേശീയ പാസഞ്ചർ റെയിൽ ശൃംഖലയുടെ ഭാഗമായി ദുബായിലെ ഇത്തിഹാദ് റെയിലിന്റെ (Etihad Rail) ആദ്യ സ്റ്റേഷനായ ‘അൽ യലായീസ്’ (Al Yalayis) സെപ്റ്റംബർ 30-ന് പ്രവർത്തനസജ്ജമാകും. കഴിഞ്ഞ ജൂൺ 30-ന് ആരംഭിച്ച അബുദാബി-ഫുജൈറ പാസഞ്ചർ ട്രെയിൻ സർവീസിന് ശേഷമുള്ള പദ്ധതിയുടെ അടുത്ത പ്രധാന ഘട്ടമാണിത്. പുതിയ സ്റ്റേഷൻ യാഥാർത്ഥ്യമാകുന്നതോടെ ദുബായ്ക്കും അബുദാബിക്കും ഇടയിലുള്ള യാത്രാസമയത്തിലും ഗതാഗത സൗകര്യങ്ങളിലും വലിയ മാറ്റങ്ങളാണ് പ്രതീക്ഷിക്കുന്നത്.
ദുബായിൽ നിന്ന് അബുദാബിയിലേക്ക് വെറും 57 മിനിറ്റുകൊണ്ട് എത്തിയെത്താൻ പുതിയ റെയിൽ പാതയിലൂടെ യാത്രക്കാർക്ക് സാധിക്കും. കൂടാതെ ദുബായിലെ നിലവിലുള്ള മറ്റ് പൊതുഗതാഗത ശൃംഖലകളുമായി (RTA public transport network) അൽ യലായീസ് സ്റ്റേഷനെ ബന്ധിപ്പിക്കുന്നതിനുള്ള ക്രമീകരണങ്ങളും പൂർത്തിയായിവരുന്നു. സെപ്റ്റംബർ 30-ഓടെ സർവീസ് ആരംഭിക്കുന്നതോടെ ദിവസേനയുള്ള യാത്രക്കാർക്കും വിനോദസഞ്ചാരികൾക്കും അതിവേഗത്തിലും ആയാസരഹിതമായും ഇരു എമിറേറ്റുകൾക്കുമിടയിൽ യാത്ര ചെയ്യാൻ വഴിയൊരുങ്ങും.
11