ഷാർജയിൽ 22 പേരുടെ ജീവനെടുത്ത കാറപകടത്തിന്റെ ഞെട്ടിക്കുന്ന ദൃശ്യങ്ങൾ പുറത്തുവിട്ട് പോലീസ്

ഷാർജ: വാഹനം ഓടിക്കുമ്പോൾ ശ്രദ്ധ തിരിയുന്നത് മൂലം ഉണ്ടാകുന്ന പ്രത്യാഘാതങ്ങൾ വ്യക്തമാക്കുന്ന ഞെട്ടിക്കുന്ന സിസിടിവി ദൃശ്യങ്ങൾ പുറത്തുവിട്ട് ഷാർജ പോലീസ്. 2025-ൽ ഷാർജയിലുണ്ടായ 33 റോഡപകട മരണങ്ങളിൽ 22 എണ്ണത്തിനും കാരണം ഡ്രൈവർമാരുടെ ശ്രദ്ധക്കുറവാണെന്ന് പോലീസ് കണക്കുകൾ വ്യക്തമാക്കുന്നു. ആകെ റോഡപകട മരണങ്ങളുടെ മൂന്നിൽ രണ്ട് ഭാഗവും ഇത്തരത്തിലാണ് സംഭവിച്ചിരിക്കുന്നത്. അപകടങ്ങൾ വർദ്ധിച്ചുവരുന്ന പശ്ചാത്തലത്തിൽ ഡ്രൈവർമാർക്ക് ശക്തമായ മുന്നറിയിപ്പുമായി ബോധവൽക്കരണ പ്രചാരണം നടത്തുകയാണ് ഷാർജ പോലീസ്.
രാത്രികാലത്ത് അതിവേഗത്തിലെത്തിയ സെഡാൻ കാർ കൺട്രോൾ തെറ്റി ട്രാഫിക് ഐലന്റിലേക്കും ബോർഡിലേക്കും ഇടിച്ചുകയറുന്ന ദൃശ്യങ്ങളാണ് പോലീസ് പുറത്തുവിട്ടത്. പോയിന്റ് ബ്ലാങ്കിൽ ഇടിച്ച കാർ നിയന്ത്രണം വിട്ട് പ്രധാന പാതയുടെ നടുവിലാണ് ചെന്നുനിന്നത്. 2025-ൽ മാത്രം ശ്രദ്ധയില്ലാത്ത ഡ്രൈവിംഗ് മൂലം 360 അപകടങ്ങളാണ് ഷാർജയിൽ റിപ്പോർട്ട് ചെയ്തത്. ഇതിൽ 22 മരണങ്ങൾക്ക് പുറമെ 49 ഗുരുതര പരിക്കുകൾ ഉൾപ്പെടെ 338 പേർക്ക് പരിക്കേൽക്കുകയും ചെയ്തു. ഡ്രൈവിംഗിനിടയിലെ മൊബൈൽ ഫോൺ ഉപയോഗം, നാവിഗേഷൻ സ്ക്രീനുകളിലെ ശ്രദ്ധ, വണ്ടിയിലെ മറ്റ് നിയന്ത്രണങ്ങളിൽ ഏർപ്പെടൽ എന്നിവയാണ് പ്രധാനമായും ശ്രദ്ധ തിരിക്കുന്നതെന്ന് ചൂണ്ടിക്കാട്ടിയ പോലീസ്, ഗതാഗത നിയമങ്ങൾ പാലിക്കാനും റോഡിൽ പൂർണ്ണ ശ്രദ്ധ കേന്ദ്രീകരിക്കാനും ആവശ്യപ്പെട്ടു.