7
ഷാർജ : അടിയന്തര ഘട്ടങ്ങളിൽ ട്രാഫിക് കുരുക്കുകൾ മറികടന്ന് തീപിടുത്ത സ്ഥലങ്ങളിൽ വേഗത്തിലെത്താൻ പുതിയ ‘ഫയർഫൈറ്റിംഗ് മോട്ടോർസൈക്കിളുകൾ’ (Firefighting Motorcycles) അവതരിപ്പിച്ച് ഷാർജ സിവിൽ ഡിഫൻസ് അതോറിറ്റി. പ്രധാന ഫയർ എഞ്ചിനുകളും സജ്ജീകരണങ്ങളും സ്ഥലത്തെത്തുന്നതുവരെ പ്രാഥമിക തീയണയ്ക്കൽ നടപടികൾ സ്വീകരിക്കാൻ ഈ ബൈക്കുകൾക്ക് കഴിയും.
വേനൽക്കാലത്ത് വൈദ്യുതി ലോഡ്, എയർകണ്ടീഷണറുകളുടെ അമിത ഉപയോഗം എന്നിവ മൂലം തീപിടുത്ത സാധ്യത വർദ്ധിക്കാറുണ്ട്. ഇത്തരം സമയങ്ങളിൽ സംഭവസ്ഥലത്തേക്കുള്ള റെസ്പോൺസ് ടൈം (Response Time) ഗണ്യമായി കുറയ്ക്കാൻ ഈ പുതിയ വാഹനങ്ങൾ സഹായിക്കും. അതോടൊപ്പം, കെട്ടിടങ്ങളിൽ കൂടുതൽ തീപിടുത്തങ്ങൾ ഉണ്ടാകാതിരിക്കാൻ എ.ഐ സാങ്കേതികവിദ്യയും ഫയർപ്രൂഫ് ക്ലാഡിംഗുകളും ഉപയോഗിച്ച് വലിയ സുരക്ഷാ നവീകരണങ്ങളാണ് ഷാർജയിൽ നടന്നുവരുന്നത്.