ഇന്ത്യയിലെ പ്രളയക്കെടുതി: അനുശോചനവും പിന്തുണയും അറിയിച്ച് യുഎഇ

അബുദാബി : ഇന്ത്യയിലെ വടക്കൻ, വടക്കുകിഴക്കൻ സംസ്ഥാനങ്ങളിൽ കനത്ത മഴയെ തുടർന്നുണ്ടായ പ്രളയത്തിലും മണ്ണിടിച്ചിലിലും ജീവൻ നഷ്ടപ്പെട്ട സംഭവത്തിൽ അനുശോചനവും ഐക്യദാർഢ്യവും പ്രഖ്യാപിച്ച് ഐക്യ അറബ് എമിറേറ്റ്സ്. നിരവധി പേരുടെ മരണത്തിനും നാശനഷ്ടങ്ങൾക്കും കാരണമായ ദുരന്തത്തിൽ ഇന്ത്യയിലെ ജനങ്ങളോടും ഭരണകൂടത്തോടും യുഎഇ വിദേശകാര്യ മന്ത്രാലയം അനുശോചനം അറിയിച്ചു.
കഴിഞ്ഞ ദിവസങ്ങളിൽ പെയ്ത കനത്ത മഴയിൽ കാൽനൂറ്റാണ്ടിലധികം ആളുകൾക്കാണ് ജീവൻ നഷ്ടപ്പെട്ടത്. അടുത്ത 6 മുതൽ 7 ദിവസങ്ങൾ വരെ രാജ്യത്തിന്റെ വടക്കുപടിഞ്ഞാറൻ, കിഴക്കൻ, വടക്കുകിഴക്കൻ മേഖലകളിൽ ശക്തമായ മൺസൂൺ മഴ തുടരുമെന്ന് കേന്ദ്ര കാലാവസ്ഥാ വകുപ്പ് അറിയിച്ചിട്ടുണ്ട്. ദുരന്തബാധിതരുടെ കുടുംബങ്ങളുടെ ദുഃഖത്തിൽ പങ്കുചേരുന്നതായും പരിക്കേറ്റവർ വേഗത്തിൽ സുഖം പ്രാപിക്കട്ടെ എന്ന് ആശംസിക്കുന്നതായും യുഎഇ വ്യക്തമാക്കി.