അബുദാബി: യുണൈറ്റഡ് അറബ് എമിറേറ്റ്സിലുള്ള (UAE) പാകിസ്താൻ പൗരന്മാർക്കായി ആരംഭിക്കാനിരുന്ന ഇ-പാസ്പോർട്ട് സേവനങ്ങൾ അനിശ്ചിതകാലത്തേക്ക് മാറ്റിവെച്ചതായി യുഎഇയിലെ പാകിസ്താൻ എംബസി അറിയിച്ചു. സാങ്കേതികവും ഭരണപരവുമായ അപ്രതീക്ഷിത കാരണങ്ങളാലാണ് 2026 ജൂലൈ 20 മുതൽ ആരംഭിക്കാൻ നിശ്ചയിച്ചിരുന്ന ഇ-പാസ്പോർട്ട് വിതരണം താൽക്കാലികമായി നിർത്തിവെച്ചത്. പുതുക്കിയ തീയതി പ്രഖ്യാപിക്കുന്നത് വരെ ഇ-പാസ്പോർട്ട് വിഭാഗത്തിന് കീഴിലുള്ള അപേക്ഷകൾ സ്വീകരിക്കുന്നതും പ്രൊസസ്സ് ചെയ്യുന്നതും നിർത്തിവെച്ചിരിക്കുകയാണ്. എന്നാൽ, നിലവിലുള്ള മെഷീൻ റീഡബിൾ പാസ്പോർട്ട് (MRP) സേവനങ്ങളെ ഈ താമസം ബാധിക്കില്ലെന്നും അവയുടെ അപേക്ഷകളും പുതുക്കലുകളും തടസ്സമില്ലാതെ തുടരുമെന്നും എംബസി വ്യക്തമാക്കിയിട്ടുണ്ട്. ഇ-പാസ്പോർട്ട് സേവനങ്ങൾ പുനരാരംഭിക്കുന്നതിനുള്ള പുതിയ തീയതി പിന്നീട് ഔദ്യോഗിക വെബ്സൈറ്റ് വഴിയും സോഷ്യൽ മീഡിയ അക്കൗണ്ടുകൾ വഴിയും അറിയിക്കുമെന്നും അധികൃതർ കൂട്ടിച്ചേർത്തു.
44