യുഎഇയിൽ സ്വർണ്ണവിലയിൽ വൻ ഇടിവ്

ദുബൈ : പണപ്പെരുപ്പവും പലിശനിരക്കും സംബന്ധിച്ച ആഗോള സാമ്പത്തിക അനിശ്ചിതത്വങ്ങൾക്കിടയിൽ യുഎഇയിൽ സ്വർണ്ണവിലയിൽ വലിയ ഇടിവ് രേഖപ്പെടുത്തി. ഒരാഴ്ചയ്ക്കിടെ 24 കാരറ്റ് സ്വർണ്ണത്തിന് ഗ്രാമിന് 11.50 ദിർഹത്തിന്റെ കുറവാണ് വിപണിയിലുണ്ടായത്. വ്യാഴാഴ്ച വിപണി തുറന്നപ്പോൾ 24 കാരറ്റ് സ്വർണ്ണത്തിന് ഗ്രാമിന് 485.75 ദിർഹമായിരുന്നു വില. 22 കാരറ്റിന് 449.75 ദിർഹവും, 21 കാരറ്റിന് 431.25 ദിർഹവും, 18 കാരറ്റിന് 369.50 ദിർഹവുമാണ് വ്യാഴാഴ്ചത്തെ നിരക്കുകൾ. ആഗോള വിപണിയിൽ സ്പോട്ട് ഗോൾഡ് വില ഔൺസിന് 4,031.64 ഡോളറിലേക്ക് താഴ്ന്നതാണ് പ്രാദേശിക വിപണിയിലും പ്രതിഫലിച്ചത്. വരും ദിവസങ്ങളിലും അന്താരാഷ്ട്ര ഘടകങ്ങൾക്കനുസരിച്ച് സ്വർണ്ണവിലയിൽ ഏറ്റക്കുറച്ചിലുകൾ തുടരുമെന്നാണ് സാമ്പത്തിക വിദഗ്ധരുടെ വിലയിരുത്തൽ.