അൽജാദയിൽ പെയ്ഡ് പാർക്കിംഗ് നിലവിൽ വന്നു

ഷാർജ : ദുബായിലെ പാർക്കിൻ കമ്പനിയുടെ (Parkin) നേതൃത്വത്തിൽ ഷാർജയിലെ അൽജാദ മെഗാ പ്രൊജക്റ്റിൽ ജൂലൈ 15 മുതൽ സ്മാർട്ട് പെയ്ഡ് പാർക്കിംഗ് സംവിധാനം നിലവിൽ വന്നു. ക്യാമറ അധിഷ്ഠിത ഓട്ടോമാറ്റിക് നമ്പർ പ്ലേറ്റ് റെക്കഗ്നിഷൻ (ANPR) സാങ്കേതികവിദ്യ ഉപയോഗിക്കുന്നതിനാൽ ടിക്കറ്റുകളോ ഗേറ്റുകളോ ഇല്ലാതെ യാത്രക്കാർക്ക് ഡിജിറ്റലായി തുക അടയ്ക്കാം. ഈസ്റ്റ് ബൊളിവാർഡിലെ ഓൺ-സ്ട്രീറ്റ് പാർക്കിംഗിന് മണിക്കൂറിന് 6.30 ദിർഹവും (24 മണിക്കൂറും), ഓഫ്-സ്ട്രീറ്റ് പാർക്കിംഗിന് രാവിലെ 8 മുതൽ അർദ്ധരാത്രി വരെ മണിക്കൂറിന് 4.20 ദിർഹവുമാണ് നിരക്ക്. ദി ബൊളിവാർഡ്, തിരാസ്, മിസ്ക് എന്നിവിടങ്ങളിലെ റീട്ടെയിൽ പാർക്കിംഗിൽ ആദ്യ 2 മണിക്കൂർ സൌജന്യമായിരിക്കും, അതിനുശേഷം മണിക്കൂറിന് 10 ദിർഹം വീതം ഈടാക്കും. താമസക്കാർക്ക് അവരുടെ കരാർ പ്രകാരമുള്ള സൗജന്യ പാർക്കിംഗ് ആനുകൂല്യങ്ങൾ തുടർന്നും ലഭിക്കുന്നതാണ്.