റെസിഡൻഷ്യൽ പ്രോപ്പർട്ടി വിൽപ്പനയിൽ മുന്നേറി ജെവിസി

ദുബൈ : ദുബായിൽ വീട് വാങ്ങാൻ ആഗ്രഹിക്കുന്നവർക്ക് ഏറ്റവും കൂടുതൽ തിരഞ്ഞെടുപ്പുകൾ നൽകുന്ന മേഖലയായി ജുമൈറ വില്ലേജ് സർക്കിൾ (JVC) മാറിയതായി ഇഎക്സ്പി ദുബായുടെ (eXp Dubai) ഏറ്റവും പുതിയ വിപണി പഠനം വ്യക്തമാക്കുന്നു. ദുബായിൽ നിലവിൽ വിൽപ്പനയ്ക്കായി ലിസ്റ്റ് ചെയ്തിരിക്കുന്ന വീടുകളിൽ പത്തിൽ ഒരെണ്ണം (9.7 ശതമാനം) ജെവിസിയിലാണ്. ബിസിനസ്സ് ബേ (5.7 ശതമാനം) രണ്ടാമതും, ദുബായ് ലാൻഡ് റെസിഡൻസ് കോംപ്ലക്സ് (4.7 ശതമാനം) മൂന്നാമതും എത്തി. പ്രോപ്പർട്ടി ഫൈൻഡറിൽ നിന്നുള്ള ഡാറ്റ അടിസ്ഥാനമാക്കി തയ്യാറാക്കിയ റിപ്പോർട്ടിൽ ദുബായ് സൗത്ത്, ഡൗൺടൗൺ, ദുബായ് മറീന എന്നിവയാണ് തൊട്ടുപിന്നിലുള്ളത്. അതേസമയം പാം ജുമൈറ, ദുബായ് ഹാർബർ, ഡിഐഎഫ്സി തുടങ്ങിയ ആഡംബര മേഖലകളിൽ വിൽപനയ്ക്കുള്ള വീടുകളുടെ എണ്ണം വളരെ പരിമിതമാണെന്നും റിപ്പോർട്ട് ചൂണ്ടിക്കാണിക്കുന്നു.